Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Puku ya ka ya Ditaba tša Beibele

Karolo 6: Go Tloga Matswalong a Jesu go Fihla Lehung la Gagwe

Karolo 6: Go Tloga Matswalong a Jesu go Fihla Lehung la Gagwe

Morongwa Gabariele o ile a rongwa go kgarebe yeo e bego e itshwere gabotse yeo e bitšwago Maria. Gabariele o ile a mmotša gore o tla ba le ngwana yo a tlago go buša e le kgoši ka mo go sa felego. Ngwana yoo e lego Jesu, o ile a belegelwa ka setaleng moo badiši ba ilego ba mo etela gona. Ka morago, naledi e nngwe e ile ya hlahla banna bao ba bego ba etšwa ka Bohlabela ya ba iša go ngwana yoo. Re tlo ithuta gore ke mang yo a dirilego gore ba bone naledi yeo le kamoo Jesu a ilego a phološwa maitekong a gore a bolawe.

Se se latelago, re hwetša Jesu nakong ya ge a be a na le nywaga e 12 a boledišana le barutiši ka tempeleng. Nywaga e lesomeseswai ka morago, Jesu o ile a kolobetšwa ke moka a thoma go bolela le go ruta ka Mmušo, e lego modiro woo Modimo a bego a mo rometše go tlo o dira mo lefaseng. E le gore a tle a kgone go dira modiro wo, Jesu o ile a kgetha banna ba 12 gomme a ba dira baapostola ba gagwe.

Le gona Jesu o ile a dira mehlolo e mentši. O ile a fepa batho ba dikete ka dihlapi tše dinyenyane tše sego kae feela le dinkgwa tše sego kae. A fodiša balwetši a ba a tsoša le bahu. Mafelelong, re tlo ithuta ka dilo tše dintši tšeo di ilego tša diragalela Jesu letšatšing la mafelelo la bophelo bja gagwe le kamoo a ilego a bolawa ka gona. Jesu o boletše ka Mmušo wa Modimo ka nywaga e ka bago e meraro le seripa, ka gona ditiragalo tše di lego go KAROLO 6 di akaretša nywaga ya ka godingwana ga e 34.

Jesu o a ruta

Ithute ka mo go oketšegilego

DIPOTŠIŠO TŠA BEIBELE DI A ARABJA

Dipego tša Mabapi le Jesu di Ngwadilwe Neng?

Diebangedi di ngwadilwe ka morago ga nywaga e mekae Jesu a hwile?

DITABA TŠE DIBOTSE TŠE DI TŠWAGO GO MODIMO!

Jesu Kriste ke Mang?

Ithute lebaka leo Jesu a ilego a hwa, seo se bolelwago ke topollo, le gore ke eng seo Jesu a se dirago gona bjale.