Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Puku ya ka ya Ditaba tša Beibele

Karolo 3: Go Tloga ge ba Lokollwa Egipita go Fihla go Kgoši ya Pele ya Isiraele

Karolo 3: Go Tloga ge ba Lokollwa Egipita go Fihla go Kgoši ya Pele ya Isiraele

Moshe o ile a etelela Baisiraele pele go tšwa bokgobeng bja Egipita go fihla Thabeng ya Sinai, moo Modimo a ilego a ba nea melao ya gagwe. Ka morago, Moshe o ile a romela banna ba 12 go yo hlola naga ya Kanana. Eupša ba 10 ba bona ba ile ba boa le pego e mpe. Ba ile ba dira gore setšhaba se nyake go boela Egipita. Ka baka la ge Baisiraele ba be ba hloka tumelo, Modimo o ile a ba otla ka go dira gore ba ralale lešokeng ka nywaga e 40.

Mafelelong, Joshua o ile a kgethwa gore a etelele Baisiraele pele go ba iša nageng ya Kanana. Go ba thuša gore ba tšee naga yeo, Jehofa o ile a dira mehlolo. O ile a dira gore Noka ya Jorodane e kgaotše go ela, merako ya Jeriko e we gomme letšatši le eme felo gotee letšatši ka moka. Ka morago ga nywaga e tshelelago, Bakanana ba ile ba amogwa naga ya bona.

Go thoma ka Joshua, Isiraele e ile ya bušwa ke baahlodi ka nywaga e 356. Re tlo ithuta ka ba bantši ba bona go akaretša Baraka, Gideone, Jefeta, Simisone le Samuele. Le gona re tlo bala ka basadi ba bjalo ka Rahaba, Debora, Jaele, Ruthe, Naomi le Delila. Ditiragalo tša histori tšeo di lego Karolong ye ya BORARO di akaretša nywaga e 396.

Taberenakele