Eya go dikagare

Eya go lelokelelo la dikagare

Dihlatse tša Jehofa

Kgetha leleme Sepedi

Matseno a Karolo 3

Matseno a Karolo 3

Ka morago ga Meetsefula, Beibele e bolela ka batho ba sego kae bao ba bego ba hlankela Jehofa. Yo mongwe wa bona e be e le Aborahama, yoo a bego a bitšwa mogwera wa Jehofa. Ke ka baka la eng a be a bitšwa mogwera wa Jehofa? Ge e ba o le motswadi, thuša ngwana wa gago go bona gore Jehofa o a mo rata le gore o nyaka go mo thuša. Go swana le Aborahama le batho ba bangwe bao ba bego ba rata Modimo, ba go swana le Lota le Jakobo, le rena re ka kgopela Jehofa gore a re thuše ge re na le mathata. Jehofa o tla re direla selo se sengwe le se sengwe seo a re tshepišitšego sona.

KAROLONG YE

THUTO 7

Tora ya Babele

Batho ba ile ba kwana gore ba age motse le tora yeo ntlha ya yona e bego e tla fihla legodimong. Ke ka baka la eng gateetee Modimo a ile a dira gore ba bolele maleme a fapafapanego?

THUTO 8

Aborahama le Sara ba Ile ba kwa Modimo

Ke ka baka la eng Aborahama le Sara ba ile ba tloga legaeng la bona le lebotse motseng wa Uri e le gore ba ye ba phele e le basepedi nageng ya Kanana?

THUTO 9

Ngwana Mafelelong!

Modimo o be a tla phethagatša bjang seo a bego a se tshepišitše Aborahama? O be a tla diriša morwa ofe wa Aborahama—na o be a tla diriša Isaka goba Ishimaele?

THUTO 10

Gopola Mosadi wa Lota

Modimo o ile a neša mollo le sebabole metseng ya Sodoma le Gomora. Ke ka baka la eng metse yeo e ile ya senywa? Ke ka baka la eng re swanetše go gopola mosadi wa Lota?

THUTO 11

Tumelo e a Lekwa

Modimo o ile a botša Aborahama a re: ‘Hle, tšea morwa a nnoši wa gago gomme o yo dira sehlabelo ka yena thabeng ya kua Moria.’ Na Aborahama o be a tla bontšha gore o na le tumelo go Modimo?

THUTO 12

Jakobo o Ile a Hwetša Lefa

Isaka le Rebeka ba ile ba ba le barwa bao ba belegwego ka nako e tee, e lego Esau le Jakobo. Ka ge Esau e be e le ngwana wa mathomo, o be a tlo hwetša lefa le le kgethegilego. Ke ka baka la eng a ile a lahla tshwanelo yeo ka baka la dinawa?

THUTO 13

Jakobo le Esau ba a Lebalelana

Go tlile bjang gore Jakobo a šegofatšwe ke morongwa? Le gona o ile a dira eng gore yena le Esau ba lebalelane?