Eya go dikagare

Eya go menyu wa bobedi

Dihlatse tša Jehofa

Sepedi

Na Ruri Bahu ba ka Phela Gape?

Na Ruri Bahu ba ka Phela Gape?

Na o ka re . . .

  • ee?

  • aowa?

  • mohlomongwe?

 SEO BEIBELE E SE BOLELAGO

“Go tla ba le tsogo.”—Ditiro 24:15, Phetolelo ya Lefase le Lefsa.

 NA RURI RE KA DUMELA SEO BEIBELE E SE BOLELAGO?

Ee, e re re nee mabaka a mararo feela:

  • Modimo ke yena Mothomi wa bophelo. Beibele e re Jehofa Modimo ke “mothopo wa bophelo.” (Psalme 36:9; Ditiro 17:24, 25) Ruri Yo a neilego dibopiwa ka moka bophelo a ka kgona go tsoša motho yo a hwilego.

  • Modimo o kile a tsoša batho bahung. Beibele e bolela ka ditiragalo tše seswai tša batho—ba banyenyane, ba bagolo, banna le basadi—bao ba ilego ba tsošwa bahung mo lefaseng. Ba bangwe ba be ba se na nako e telele gakaalo ba hwile, eupša yo mongwe o be a šetše a na le matšatši a mane a le ka lebitleng!—Johane 11:39-44.

  • Modimo o fela pelo ya go ba tsoša gape. Jehofa o hloile lehu; o le lebelela e le lenaba. (1 Bakorinthe 15:26) O “hlologela” go fenya lenaba leo, go fediša lehu ka tsogo. O fela pelo ya go tsoša bao ba lego ka kgopolong ya gagwe le go ba bona ba phela gape lefaseng.—Jobo 14:14, 15.

KAMOO SEO SE KA GO HOLAGO KA GONA

O ka homotšega ge o hwelwa ke bao o ba ratago.—2 Bakorinthe 1:3, 4.

O ka se sa boifa go hwa.—Baheberu 2:15.

O ka ba le kholofelo ya kgonthe ya gore o tla kopana gape le baratiwa ba gago bao ba hwilego.—Johane 5:28, 29.

 SEO O KA NAGANIŠIŠAGO KA SONA

Ke ka baka la’ng re tšofala le go hwa?

Beibele e araba potšišo ye go GENESI 3:17-19 le BAROMA 5:12.