Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Puku ya Ngwaga ya Dihlatse tša Jehofa ya 2016

 INDONESIA

E Bile Mmulamadibogo yo a Kgethegilego Mengwaga e 50

Alisten Lumare

E Bile Mmulamadibogo yo a Kgethegilego Mengwaga e 50
  • O BELEGWE KA 1927

  • O KOLOBEDITŠWE KA 1962

  • PEGO YA BOPHELO BJA GAGWE E kile ya ba mookamedi wa maphodisa yoo ka morago a hlanketšego e le mmulamadibogo yo a kgethegilego ka mengwaga ya ka godimo ga e 50.

KA 1964, ke ile ka abelwa go ba mmulamadibogo yo a kgethegilego kua Manokwari, ka Bodikela bja Papua, phuthegong e nyenyane yeo e bego e lebeletšane le kganetšo e šoro ya baruti ba lefelong leo. Gateetee ka morago ga gore ke fihle, moruti wa Moprosetanta o ile a tla ntlong ya ka a galefile.

O ile a nkomanya ka gore: “Ke tlo senya ntlo ye gomme ke fediše Dihlatse tša Jehofa tša mo Manokwari.”

Ka ge ke be ke tlwaeleditšwe bophodisa, ga se a ka a ntšhoša. Eupša ke ile ka mo araba ka moya wa boleta gomme mafelelong a itshepelela ka khutšo.—1 Pet. 3:15.

Ka nako yeo moo Manokwari go be go na le bagoeledi ba seswai. Lehono, e lego ka morago ga mengwaga e 50, go na le diphuthego tše šupa tikologong yeo. Ka 2014, go ile gwa tla batho ba ka godimo ga ba 1 200 kopanong ya moo ya selete. Ge ke bona dilo tšeo Jehofa a di dirilego tikologong ye yeo e lego kgole le metse, ke tloga ke kgotsofala.