Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Puku ya Ngwaga ya Dihlatse tša Jehofa ya 2016

 INDONESIA

Kgwebo ya Dinoko

Kgwebo ya Dinoko

LEKGOLONG la bo-16 la nywaga, kgwebo ya dinoko goba disepaese e be e etšwa pele ikonoming ya lefaseng go fo swana le kgwebo ya oli e tala lehono. Dinoko tša go swana le nutmeg le di-clove di be di rekwa ka theko ya godimo kua Yuropa. Di be di etšwa Dihlakahlakeng tša Spice (gona bjale ke diprofense tša Maluku le Maluku Leboa kua Indonesia).

Christopher Columbus, Vasco da Gama, Ferdinand Magellan, Samuel de Champlain le Henry Hudson ke banyakišiši bao ka moka ba ilego ba nyaka ditsela tša go fihla Dihlakahlakeng tša Spice. Ka gona go nyakana le dinoko tša Indonesia go ile gwa dira gore batho ba kwešiše ka lekga la pele tsela yeo polanete ya rena e lego ka yona.