Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Puku ya Ngwaga ya Dihlatse tša Jehofa ya 2016

Indonesia

Indonesia

PEGO ye e kgomago e mabapi le banna le basadi ba Bakriste ba ikokobeditšego bao ka sebete ba ilego ba dula ba tiile gare ga dintwa tša dipolotiki, go se kwane madumeding le go thibelwa ga modiro wa rena moo go bego go hlohleleditšwe ke baruti moo go ilego gwa tšea mengwaga e 25. Bala ka ngwanabo rena yoo leina la gagwe le bego le le gare ga maina a batho bao ba bego ba swanetše go bolaelwa Bokomanisi, e lego tumelo ya dipolotiki ya gore batho ka moka ba a lekana, gomme o bale le ka motho yo e bego e le moetapele wa disenyi yoo a ilego a ba Mokriste yo a godilego moyeng. Bala kanegelo e kgomago pelo ya banenyana ba babedi ba difoa bao e bilego bagwera gomme ka morago ba tla ba hwetša gore ke bana ba motho. Le gona bala kamoo batho ba Jehofa ba kgonago go bolela ditaba tše dibotse ka katlego nageng yeo e tletšego ka Mamoseleme go feta dinaga tše dingwe lefaseng ka moka.

KAROLONG YE

Dintlhakgolo tša Indonesia

Bala ka bokopana ka naga, batho le setšo sa se sengwe sa dihlakahlaka tše dikgolo lefaseng.

Kgwebo ya Dinoko

Lekgolong la bo-16 la nywaga, kgwebo ya dinoko e ile ya matlafatša ikonomi ya lefase.

Ke Nyaka go Thoma mo!

Babapatši ba sego kae ba dipuku tša bodumedi (babulamadibogo) bao ba nago le sebete bao ba tšwago Australia ba ile ba fenya mapheko ge ba be ba thoma modiro wa boboledi.

Mekgwa Yeo e Ilego ya Dirišwa Mathomong ya go Nea Bohlatse

Mananeo a radio le go nea bohlatse maemakepeng go ile gwa galefiša manaba a magolo a therešo kua Indonesia.

Mokgatlo wa Sehlopha sa Barutwana ba Beibele

Mokgatlo wo wa bodumedi o be o theile dithuto tša wona dikgatišong tša Dihlatse tša Jehofa, eupša o ile wa wela kotsing ya go ithekga ka dikgopolo tša batho.

O be a Tšeela Dilo tša Moya Godimo

Bahlolampherefere ba ile ba šwahlela legaeng la Thio Seng Bie a lebeletše, eupša ba ile ba tlogela selo seo a bego a se tšeela godimo kudu go feta dilo tšeo a di lobilego.

Tšhemo ya ka Bodikela bja Java e Tšweletša Dienywa

Ge dikgatišo tša Dihlatse di be di thibelwa ganyenyane-ganyenyane, Dihlatse di ile tša diriša bohlale modirong wa tšona wa go bolela ditaba tše dibotse.

Ka Tlase ga Mmušo wa Japane

Nakong ya Ntwa ya Bobedi ya Lefase, Dihlatse tše dingwe di ile tša hwetša mokgwa wa go ingwadiša mmušong wa Japane ntle le go tsenela dintwa goba dipolotiki.

Mmulamadibogo yo a Nago le Sebete

Mengwageng e 60 ya ge a le tirelong, André Elias o ile a dula a botega le ge a be a botšološišwa le go tšhošetšwa.

Baromiwa Bao ba Tšwago Sekolong sa Gilead ba a Fihla

Baromiwa ba mathomo bao ba tšwago sekolong sa Gilead bao ba ilego ba fihla nageng ye ba ile ba thuša go tšwetša pele modiro wa go bolela ditaba tše dibotse ka lebelo.

Modiro wa Boboledi o Phatlalalela ka Bohlabela

Na kganetšo ya baruti e be e tla atlega lekgeng le?

Baromiwa ba Oketšegilego ba a Fihla

Maemo a go bolela ditaba tše dibotse a ile a fetoga ka lebelo magareng ga bo-1970.

Morwedi wa Kgonthe wa Sara

Titi Koetin ka lethabo o ile a ikokobeletša monna wa gagwe gomme a hwetša moputso o mogolo kudu.

Kopano Yeo e sa Lebalegego

Kopano ya “Ditaba tše Dibotse tša ka mo go sa Felego” yeo e bego e swere ka 1963 e ile ya atlega le ge go be go na le mathata a magolo.

Ke Ile ka Phologa Tlhaselo ya Bokomanisi

Lebitla la Ronald Jacka le be le šetše le epilwe.

E Bile Mmulamadibogo yo a Kgethegilego Mengwaga e 50

Ka 1964, moruti wa kereke ya Protestanta o ile a tšhošetša ka gore: ‘Ke tlo fediša Dihlatse tša Jehofa tša mo Manokwari!’ Na o ile a atlega?

E Kile ya ba Moetapele wa Bosenyi Gomme ka Morago ya ba Modudi yo a Hlomphegago

Molaodi wa Lefapha la Intelligence o ile a botšiša gore: “Ge e le gabotse Dihlatse tša Jehofa di dira’ng mo Indonesia?”

Ba Ikemišeditše go Tšwela Pele

Ke eng seo se ilego sa tutueletša bao ba bego ba bogetše gore ba re: “Dihlatse tša Jehofa di swana le dipikiri”?

Ga se ba ka ba Tlogela go Bokana Gotee

Ge thibelo e be e tlošwa go Dihlatse tša Jehofa, molaodi yo mogolo o ile a bolela mantšu a makatšago a re: “Lengwalo le la go ngwadišwa semolao ga le le nee tokologo ya go hlankela Modimo.”

Go Bontšha Lerato la Bokriste Dinakong tša Dikotsi

Dihlatse tša Jehofa di ile tša arabela kapejana ka morago ga gore tšhišinyego ya lefase e šwalalanye toropo ya kua Indonesia yeo e bitšwago Gunungsitoli.

Re ka se Tsoge re Dumedišitše Folaga

Daniel Lokollo o gopola kamoo a ilego a tlaišwa ke baleti ba kgolego.

Re Ile ra Latela Tlhahlo Gomme ra Phela!

Dingangišano tša magareng ga Mamoseleme le Bakriste kua Indonesia di ile tša bakela Dihlatse tša Jehofa mathata a magolo.

Modiro wa Boboledi o a Oketšega

Ka morago ga gore thibelo e tlošwe, bana babo rena ba ile ba holwa ke dilo tše tharo tša bohlokwa.

Go Bolela ka Leina la Modimo ka Sebete

Dihlatse di ile tša fenya bjang mapheko ao a bego a bakwa ke mekgwa le ditšo tšeo di bego di šitiša Dihlatse gore di se be le sebete?

Ofisi ya Lekala Malekelekeng

Bao ba hlankelago tlhokagalong ba be ba nyaka tšhemo yeo batho ba gona ba bantši ba sa kago ba kwa ka Jehofa gomme ba e hweditše.

“Jehofa o re Šegofaditše go Feta Kamoo re Bego re Nagana ka Gona!”

Phuthego ya motseng wa Tugala, kua Indonesia, e ile ya hwetša tšhegofatšo yeo e bego e sa e letela.

Mafelelong re Ile ra Kopana!

Bana ba motho ba babedi kua Indonesia ba ile ba aroganywa ge yo mongwe a be a išwa gore a thwalwe, eupša therešo ya Beibele e ile ya dira gore ba kopane.