Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Puku ya Ngwaga ya Dihlatse tša Jehofa ya 2016

Temana ya Ngwaga ya 2016

“Lerato la lena la borwarre a le tšwele pele.”—Baheberu 13:1

Temana ya Ngwaga ya 2016

“Ba bantši ba tla . . . hloyana. . . . Lerato la ba bantši le tla fola.” (Mat. 24:10, 12) Mantšu a a Jesu a boletše e sa le pele gore batho bao ba bego ba tla phela mengwageng ya pele ga ge Jerusalema e fedišwa ka 70 C.E. ba be ba ka se be le lerato. Eupša barutiwa ba Kriste bona ba be ba tla tsebja ka lerato leo ba le bontšhago. (Joh. 13:35) Bakriste ba Baheberu  kua Jerusalema ba swanetše go ba ba ile ba kgothatšega kudu ge ba be ba bala mantšu a Paulo ao go ona a ilego a ba reta ka ge ba na le lerato gomme a ba kgothaletša gore ba tšwele pele ba le bontšha!

Lehono, re phela nakong ya ge tshepedišo ka moka ya dilo ya Sathane e le kgauswi le go fedišwa. Ka go swana le bana babo rena ba lekgolong la pele la nywaga, re phela gare ga batho bao ba ratago tšhelete, maipshino le bao ba ithatago eupša ba sa rate Modimo le baagišani ba bona. (2 Tim. 3:1-4) Lega go le bjalo, lerato la borwarre le atile gare ga Dihlatse tša Jehofa lefaseng ka moka. Anke re tumišeng Jehofa, yena mohlala o mogolo wa go bontšha lerato, ka go tšwetša pele lerato la rena la borwarre.