Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

Jesu—Tsela, Therešo le Bophelo

 KGAOLO 15

O Dira Mohlolo wa Gagwe wa Pele

O Dira Mohlolo wa Gagwe wa Pele

JOHANE 2:1-12

  • MONYANYA WA KUA KANA

  • JESU O FETOŠA MEETSE GORE E BE BEINE

Bjale ke letšatši la boraro Nathaniele e le yo mongwe wa barutiwa ba pele ba Jesu. Jesu le ba bangwe ba barutiwa ba gagwe ba pele ba leba ka leboa ba ya gae seleteng sa Galilea. Ba ya motseng wa Kana, e lego motsana wa gabo Nathaniele. Motse wa Kana o mebotong yeo e lego ka leboa la Natsaretha, moo Jesu a goletšego gona. Ba laleditšwe monyanyeng wa lenyalo kua Kana.

Mmago Jesu le yena o tlile lenyalong. Ka ge e le mogwera wa lapa la gabo bao ba nyalanago, Maria o bonala a be a swaregile ka go thuša go hlokomela baeng ba bantši. Ka gona, o lemoga tlhaelelo kapejana, gomme o begela Jesu ka yona, a re: “Ga ba na beine.”—Johane 2:3.

Ge e le gabotse, Maria o šišinya gore Jesu a dire se sengwe ka go hlokega ga beine. A diriša seema go bontšha gore o a gana, Jesu o araba ka gore: “Go re’ng seo se swanetše go tshwenya nna le wena?” (Johane 2:4) Ka ge e le Kgoši e kgethilwego ya Modimo, mediro ya Jesu e be e laelwa ke Tatagwe wa legodimong, e sego ba lapa goba bagwera. Maria ka bohlale o tlogelela ditaba diatleng tša morwa wa gagwe ka go fo bolela le badiredi a re: “Se sengwe le se sengwe seo a le botšago sona, le se dire.”—Johane 2:5.

Go na le dinkgo tša meetse tše tshelelago tša leswika, tšeo e nngwe le e nngwe ya tšona e ka rwalago dilithara tše 40. Jesu o laela badiredi a re: “Tlatšang dinkgo tšeo meetse.” Ke moka Jesu a re: “Egang e nngwe bjale le e iše go molaodi wa monyanya.”—Johane 2:7, 8.

Molaodi o kgahlwa ke botse bja beine eupša ga a lemoge gore e dirilwe ka mohlolo. Ge a bitša monyadi o re: “Motho yo mongwe le yo mongwe o ntšha beine e bose pele, ya re ge batho ba tagilwe a ntšha e sego bose. Wena o bolokile beine e bose go fihla bjale.”—Johane 2:10.

Wo ke mohlolo wa pele woo Jesu a o dirago. Ge barutiwa ba gagwe ba bafsa ba bona mohlolo wo, tumelo ya bona go yena e a matlafala. Ka morago, Jesu, mmagwe le bana babo ka motswadi o tee ba ya motseng wa Kaperenaume wo o lego ka leboabodikela bja lebopo la Lewatle la Galilea.

Ithute ka mo go oketšegilego

Jesu o Dira Mehlolo

Mehlolo ya Jesu e bontšha’ng ka matla a gagwe le ka pušo ya gagwe ya nakong e tlago ge a tla be a buša lefase?