Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Morokami  |  No. 3 2017

Beibele E Re’ng?

Beibele E Re’ng?

Na go tla ka gwa tsoga go bile le toka ya kgonthe mo lefaseng?

Na o ka re . . . 

  • Ee?

  • Aowa?

  • Mohlomongwe?

Seo Beibele e se bolelago

“Ke tseba gabotse gore Jehofa o tla lwela Mohlaki, a ba a ahlolela badiidi.” (Psalme 140:12) Mmušo wa Modimo o tla tliša toka ya kgonthe lefaseng.

Ke eng se sengwe seo re ka ithutago sona ka Beibeleng?

  • Modimo o bona bothata bjo bo lego gona bja go hloka toka mo lefaseng gomme o tlo bo lokiša.—Mmoledi 5:8.

  • Toka ya Modimo e tla tliša khutšo le polokego lefaseng.—Jesaya 32:16-18.

Na Modimo o rata batho ba bangwe go feta ba bangwe?

Batho ba bangwe ba dumela gore Modimo o šegofaditše goba o rogakile batho ba ditšo tše itšego, mola ba bangwe ba re ga a na kgethollo. Wena o nagana’ng?

Seo Beibele e se bolelago

“Modimo ga a bebe sefahlego, eupša setšhabeng se sengwe le se sengwe motho yo a mmoifago gomme a dira se se lokilego o a amogelega go yena.” (Ditiro 10:34, 35) Modimo o lebelela batho ka moka ba lekana.

Ke eng se sengwe seo re ka ithutago sona ka Beibeleng?

  • Beibele e na le “ditaba tše dibotse” bakeng sa “ditšhaba tšohle, meloko yohle, maleme ohle le batho bohle.”—Kutollo 14:6.