Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

MOROKAMI NO. 1 2017

 COVER SUBJECT | HOW TO GET MORE FROM READING THE BIBLE

Ke Eng Seo se tla Dirago Gore go e Bala go Thabiše?

Ke Eng Seo se tla Dirago Gore go e Bala go Thabiše?

Na go a tšwafiša? Goba na go a lapološa? Wena o tla ikwa bjang ge o bala Beibele? Gantši go ithekgile ka gore o bala bjang. Anke re hlahlobe seo o ka se dirago gore o thabele go bala.

Kgetha Beibele ya leleme la mehleng yeno yeo e fetoletšwego ka tsela yeo e ka botwago. Ge e ba o bala Beibele yeo e nago le mantšu a mantši a thata goba ao a fetilwego ke nako e bile o sa a tsebe, o ka se thabele go e bala. Ka gona, nyaka Beibele ya leleme leo le kwešišegago gabonolo leo le tla go kgomago pelo. Le gona e swanetše go ba yeo e fetoletšwego ka kelohloko le ka tsela e nepagetšego. *

Diriša thekinolotši ya mehleng yeno. Lehono Beibele ga e hwetšagale feela ka kopi yeo e phrinthilwego eupša e hwetšagala le ka mokgwa wa elektroniki. Dibeibele tše dingwe di ka balwa Inthaneteng goba tša taoneloutwa dikhomphutheng, dithaboleteng goba difounong. Dibeibele tše dingwe di na le didirišwa tšeo di go dumelelago go hlahloba ditemana tše dingwe tšeo di sepedišanago le taba yeo o e balago goba gaešita le go e bapiša le Dibeibele tša diphetolelo tše dingwe. Beibele gape e hwetšagala ka tsela ya go theetšwa ge e ba o rata go theetša go e na le go bala. Batho ba bantši ba rata go theetša ge ba sepela ka dinamelwa tša batho bohle, ba hlatswa goba ba dira mediro e mengwe yeo e ka ba dumelelago go theetša. Ke ka baka la eng o sa leke mokgwa woo o swanelago maemo a gago?

Diriša didirišwa tša go ithuta Beibele. Didirišwa tša go ithuta di ka go thuša gore o ithute mo gontši ge o bala Beibele. Go na le mebapa ya dinaga tšeo go bolelwago ka tšona ka Beibeleng. Mebapa  yeo e tla go thuša gore o tsebe moo dinaga tšeo o balago ka tšona di bego di le gona le go tswalanya ditiragalo le dinaga tšeo. Dihlogo tše bjalo ka tšeo di lego makasineng wo goba tšeo di lego karolong ya “Dithuto tša Beibele” Wepesaeteng ya jw.org/nso, di ka go thuša go kwešiša dikarolo tše dintši tša Beibele.

Bala ka mekgwa e sa swanego. Ge e ba o lakalela go bala Beibele go tloga mathomong go fihla mafelelong, ke ka baka la eng o sa thome ka karolo yeo e go kgahlago kudu? Ge e ba o nyaka go tseba ka baanegwa ba go tuma ba ka Beibeleng, o ka leka go bala ka baanegwa bao. Go newa mohlala wa mokgwa wo o ka dirago seo ka gona lepokising leo le rego, “ Ithute Beibele ka Kelohloko Gore o Tsebe Batho Bao e Bolelago ka Bona.” Goba mohlomongwe o ka nyaka go bala ka taba e itšego ka Beibeleng goba go ya ka tatelano ya ditiragalo. Ke ka baka la eng o sa leke o mongwe wa mekgwa ye?

^ par. 4 Ba bantši ba hweditše Phetolelo ya Lefase le Lefsa ya Mangwalo a Makgethwa e le e nepagetšego le yeo e ka botwago e bile e balega gabonolo. Beibele ye yeo e tšweleditšwego ke Dihlatse tša Jehofa e hwetšagala ka maleme a fetago a 130. O ka taonelouta kopi ya yona Wepesaeteng ya jw.org/nso goba wa taonelouta JW Library app. Ge e ba o rata, Dihlatse tša Jehofa di ka go tlišetša Beibele legaeng la gago.

Ithute ka mo go oketšegilego

Na Phetolelo ya Lefase le Lefsa e Nepagetše?

Ke ka baka la’ng Phetolelo ya Lefase le Lefsa e sa swane le diphetolelo tše dintši tša Beibele?