Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

MOROKAMI DECEMBER 2015

 TABA YA LETLAKALA LA KA NTLE | O KA KWEŠIŠA BEIBELE

Ke ka Baka la Eng o Swanetše go Kwešiša Beibele?

Ke ka Baka la Eng o Swanetše go Kwešiša Beibele?

“Beibele ke puku e tsebjago kudu ya bodumedi. Eupša ke puku yeo e sa tsebjego le yeo e sego bohlokwa go ma-China.”—LIN, CHINA.

“Ke tloga ke sa kwešiše dipuku tše kgethwa tša bodumedi bja ka bja Bohindu, bjale nka kwešiša bjang Beibele e Kgethwa?”—AMIT, INDIA.

“Ke hlompha Beibele ka ge e le puku ya kgale e bile ke kwele gore ke puku yeo e rekwago kudu. Eupša ga se ka ka ka bona kopi ya yona ka mahlo.”—YUMIKO, JAPANE.

Batho ba bantši lefaseng ka bophara ba tšeela Beibele godimo. Lega go le bjalo, ba ka no ba ba tseba go se nene ka seo Beibele e se bolelago. Ruri go bjalo ka batho ba dimilione bao ba dulago Asia le ka batho ba bantši bao ba dulago dinageng tšeo go tšona Beibele e abjago ka bophara.

Lega go le bjalo, mo gongwe o ka botšiša gore: ‘Ke ka baka la’ng ke swanetše go kgahlegela go kwešiša Beibele?’ Go kwešiša seo se bolelwago ke puku ye e kgethwa go ka go thuša go dira dilo tše di latelago:

  • Go hwetša kgotsofalo le lethabo

  • Go swaragana le mathata a lapa

  • Go lebeletšana le dipelaelo

  • Go kaonefatša tswalano ya gago le batho

  • Go diriša tšhelete ka bohlale

Tšea mohlala ka Yoshiko wa Japane. O be a ipotšiša gore ge e le gabotse Beibele e bolela ka eng gomme a dira phetho ya gore a ipalele yona. Mafelelo e bile afe? O itše: “Beibele e nthušitše go hwetša kholofelo ka bokamoso le go phela bophelo bjo bo nago le morero” gomme a oketša ka gore: “Ga ke sa ikwa ke ngenegile moko.” Amit, yo a tsopotšwego pejana, o ile a dira phetho ya go itlhahlobela Beibele. O re: “Ke ile ka makala. Beibele e swere tsebišo e ka holago batho ka moka.”

Beibele e tloga e kgomile maphelo a batho ba dimilione. Ke ka baka la’ng o sa itlhahlobele yona gomme o bone kamoo e ka go holago ka gona?