Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

MOROKAMI NOVEMBER 2015

Dipotšišo tša Beibele di a Arabja

Dipotšišo tša Beibele di a Arabja

Na bahu ba tla phela gape?

Ruri Mmopi wa bophelo a ka kgona go tšoša batho

Jehofa Modimo ke Mothopo wa bophelo. (Psalme 36:9) Ka gona, na ga se mo go kwagalago gore yena Modimo yoo a ka tsoša batho bao ba hwilego? Beibele e re kgonthišetša gore nakong e tlago o tla dira sona seo. (Bala Ditiro 24:15) Eupša ke ka baka la’ng a tla dira seo?

Mathomong Mmopi wa rena o be a rerile gore batho ba phele ka mo go sa felego mo lefaseng. (Genesi 1:31; 2:15-17) Wo e sa dutše e le morero wa gagwe ka batho. O kwešwa bohloko ke go bona seo re lebeletšanago le sona gona bjale, e lego go phela maphelo ao a tletšego ka mathata le ao a felago kapejana.—Bala Jobo 14:1, 14, 15.

Batho bao ba tsošitšwego ba tla phela kae?

Na Modimo o be a bopetše motho gore a phele legodimong? Aowa. Modimo o bopetše barongwa gore ba phele legodimong gomme a bopela batho gore ba phele mo lefaseng. (Genesi 1:28; Jobo 38:4, 7) Re naganne ka se, ela hloko ditiragalo tša ge Jesu a be a tsoša batho. O ile a tsošetša batho gona mo lefaseng. Ka mo go swanago, bontši bja bao ba tla tsošwago bahung nakong e tlago ba tla boela ba phela mo lefaseng.Bala Johane 5:28, 29; 11:44.

Lega go le bjalo, Modimo o kgethile batho ba mmalwa gore ba tsošetšwe go yo phela legodimong, moo ba tlago go ba le mebele ya moya. (Luka 12:32; 1 Bakorinthe 15:49, 50) Bao ba tsošeditšwego legodimong ba tla buša e le dikgoši gotee le Kriste godimo ga lefase.—Bala Kutollo 5:9, 10.

 

Ithute ka mo go oketšegilego

Tsogo ya Bahu ke Eng?

O ka makatšwa ke go tseba gore ke bomang bao ba tlago go tsošwa.