Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Morokami  |  September 2015

 TABA YA LETLAKALA LA KA NTLE | DIHLATSE TŠA JEHOFA KE BOMANG?

Ke Eng Seo Dihlatse tša Jehofa di se Dumelago?

Ke Eng Seo Dihlatse tša Jehofa di se Dumelago?

Dihlatse tša Jehofa di dumela gore “lengwalo ka moka le buduletšwe ke Modimo gomme le [a] hola.” (2 Timotheo 3:16) Re diriša Beibele e le tlhahlo e holago gore re ithute ka Mmopi le gore re phele maphelo ao a nago le morero.

Beibele e re: “Gore batho ba tsebe gore wena yoo leina la gago e lego Jehofa, ke wena o nnoši o lego Yo Godimodimo godimo ga lefase ka moka.” (Psalme 83:18) Ka gona, re rapela Jehofa Modimo feela, gomme ka ge re le Dihlatse tša gagwe, re katanela go tsebatša leina la gagwe.—Jesaya 43:10-12.

Ka ge re le Bakriste, re dumela gore Jesu, yena “Morwa wa Modimo,” * o ile a tla lefaseng gomme a ba Mesia. (Johane 1:34, 41; 4:25, 26) Ka morago ga gore Jesu a hwe, o ile a tsošetšwa legodimong. (1 Bakorinthe 15:3, 4) Ka morago ga moo, o ile a ba Kgoši ya Mmušo wa Modimo. (Kutollo 11:15) Mmušo woo ke pušo ya kgonthe yeo e tlago go tsošološa Paradeise mo lefaseng. (Daniele 2:44) Beibele e re: “Ba boleta bona e tla ba beng ba lefase, ba tla thaba kudu ka baka la go ata ga khutšo.”—Psalme 37:11, 29.

“Ge [Dihlatse] di bala Beibele, di dumela gore Modimo o boledišana le tšona. Ge di welwa ke mathata maphelong a tšona, di tšea Lentšu la Modimo gomme tša le hlahloba gore di hwetše tharollo. . . . Di lemoga gore Lentšu la Modimo le sa phela.”—Benjamin Cherayath yo e lego moruti wa Katholika, kuranteng ya Münsterländische Volkszeitung, Jeremane

Dihlatse tša Jehofa di dumela gore melao ya motheo ya Beibele e ka hola batho gaešita le lehono. (Jesaya 48:17, 18) Ka gona, re kgomarela ka go tia melaong yeo ya motheo. Ka mohlala, ka ge Beibele e re lemoša gore re pheme mekgwa yeo e šilafatšago menagano le mebele ya rena, ga re kgoge goba go diriša diokobatši gampe. (2 Bakorinthe 7:1) Le gona re phema mekgwa yeo ka go lebanya e solwago ke Beibele e bjalo ka botagwa, bootswa le go utswa.—1 Bakorinthe 6:9-11.

^ ser. 5 Beibele gape e bolela gore Jesu ke “Morwa yo a tswetšwego a nnoši wa Modimo” ka gobane e be e le wa mathomo e bile e le yena feela yo a bopilwego ke Jehofa ka go lebanya.—Johane 3:18; Bakolose 1:13-15.

Ithute ka mo go Oketšegilego

DIPOTŠIŠO TŠEO DI BOTŠIŠWAGO KUDU

Dihlatse tša Jehofa di Dumela Eng?

Hwetša ka boripana ditumelo tša rena tše 15 tša motheo.

DIPOTŠIŠO TŠEO DI BOTŠIŠWAGO KUDU

Na Dihlatse tša Jehofa di Dumela Gore Bodumedi bja Tšona ke Bjona Feela bja Therešo?

Na Jesu o itše go na le ditsela tše dintši tšeo di lebišago phološong?