Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Morokami  |  June 2015

Dipotšišo tša Beibele di a Arabja

Dipotšišo tša Beibele di a Arabja

O ka ba bjang motswadi yo botse?

Na o ruta ngwana wa gago gore a rate modimo?

Ngwana o gola gabotse legaeng leo go lona batswadi ba ratanago le go hlomphana. (Bakolose 3:14, 19) Batswadi ba babotse ba rata bana ba bona le go ba reta, go swana le ge Jehofa Modimo a ile a reta Morwa wa gagwe.—Bala Mateo 3:17.

Tatago rena wa legodimong o theetša bahlanka ba gagwe le go šetša maikwelo a bona. Ke mo gobotse gore batswadi ba ithute mohlaleng wa gagwe gomme ba theetše seo bana ba bona ba se bolelago. (Jakobo 1:19) Ba swanetše go šetša maikwelo a bana ba bona go akaretša le diphošo tša bona.—Bala Numeri 11:11, 15.

O ka godiša bjang bana gore ba be le maikarabelo?

Ka ge o le motswadi, o na le matla a go bea melao. (Baefeso 6:1) Ithute mohlaleng wa Modimo, yoo a bontšhago gore o rata bana ba gagwe ka go ba hlalosetša gabotse melao ya gagwe le ditlamorago tša go se e latele. (Genesi 3:3) Go e na le go gapeletša batho go e latela, o ba ruta kamoo ba ka holwago ke go dira seo se nepagetšego.—Bala Jesaya 48:18, 19.

Ipeele pakane ya go thuša bana ba gago gore ba rate Modimo. Ge o ka dira seo, ba tla dira dilo ka bohlale le ge o se gona. Go fo swana le ge Modimo a re ruta ka mohlala, le wena o swanetše go ruta bana ba gago gore ba rate Modimo ka go ba beela mohlala.—Bala Doiteronomio 6:5-7; Baefeso 4:32; 5:1.

 

Ithute ka mo go oketšegilego

DITABA TŠE DIBOTSE TŠE DI TŠWAGO GO MODIMO!

Lapa la Gago e ka ba Leo le Thabilego Bjang?

Jehofa, Modimo yo a thabilego, o nyaka gore lapa le thabe. Hwetša keletšo e šomago e tšwago ka Beibeleng bakeng sa banna, basadi, batswadi le bana.

LAPA LA GAGO LE KA THABA

Kamoo Bana ba Fetošago Lenyalo

Na go ba le ngwana go ka matlafatša tswalano ya lena?