Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

MOROKAMI MARCH 2015

Dipotšišo tša Beibele di a Arabja

Dipotšišo tša Beibele di a Arabja

Ke ka baka la eng re swanetše go gopola lehu la Jesu?

Lehu la Jesu le nea kgonagalo ya bokamoso bja mohuta mang?—Jesaya 25:8; 33:24

Lehu la Jesu e bile tiragalo e bohlokwa kudu historing—o ile a hwa gore a bušetše bophelo bja batho boemong bja bjona. Motho o be a sa bopša a na le tshekamelo ya go dira dilo tše mpe, gore a babje goba a hwe. (Genesi 1:31) Eupša sebe se tsene lefaseng ka motho wa mathomo e lego Adama. Jesu o ile a gafa bophelo bja gagwe gore a re phološe sebeng le lehung.—Bala Mateo 20:28; Baroma 6:23.

Modimo o bontšhitše lerato le legolo kudu ka go romela Morwa wa gagwe lefaseng gore a tlo re hwela. (1 Johane 4:9, 10) Jesu o ile a botša balatedi ba gagwe gore ba gopole lehu la gagwe ka monyanya o bonolo wa senkgwa le beine. Go dira bjalo ngwaga le ngwaga ke tsela ya rena ya go leboga lerato leo le bontšhitšwego ke Modimo le Jesu.—Bala Luka 22:19, 20.

Ke bomang bao ba swanetšego go ja senkgwa le go nwa beine?

Ge Jesu a be a thoma go botša barutiwa ba gagwe gore ba gopole lehu la gagwe, o ile a bolela ka kgwerano, goba tumelelano. (Mateo 26:26-28) E ile ya nea bona gotee le palo e lekanyeditšwego ya ba bangwe tebelelo ya go ba dikgoši le baperisita le yena legodimong. Gaešita le ge batho ba dimilione ba gopola lehu la Jesu, ke feela bao ba lego kgweranong yeo bao ba jago senkgwa le go nwa beine.—Bala Kutollo 5:10.

Lebakeng la mo e nyakilego go ba nywaga e 2 000, Jehofa o be a dutše a kgetha bao e tlago go ba dikgoši. (Luka 12:32) Palo ya bona ke e nyenyane ge e bapišwa le ya bao ba tlago go phela lefaseng ka mo go sa felego.—Bala Kutollo 7:4, 9, 17.

 

Ithute ka mo go oketšegilego

Segopotšo sa Lehu la Jesu

Ngwaga o mongwe le o mongwe, batho ba dimilione ba bokana gotee go gopola lehu la Jesu. O laletšwa gore o tlo kwa kamoo tiragalo ye e bohlokwa e go kgomago ka gona.

Topollo—Mpho e Kgolo Kudu ya Modimo

Topollo ke eng? E bolela’ng go wena?

Na Jesu o Hwetše Sefapanong?

Batho ba bantši ba lebelela sefapano e le leswao la Bokriste. Na re swanetše go se diriša ge re rapela?