Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Morokami  |  December 2014

 TABA YA LETLAKALA LA KA NTLE | O KA BA KGAUSWI LE MODIMO

Ga go na Tsela e Phalago ye ya go Phela

Ga go na Tsela e Phalago ye ya go Phela

O ka dira’ng gore o be kgauswi le Modimo? Re ahlaahlile megato e latelago yeo o ka e gatago gore o hlagolele tswalano ya kgauswi le yena:

  1. Go tseba leina la Modimo, e lego Jehofa, le go le diriša.

  2. Go boledišana le yena ka mehla ka thapelo le go ithuta Lentšu la gagwe, e lego Beibele.

  3. Dula o dira seo se thabišago Jehofa.

Batamela Modimo ka go diriša leina la gagwe, go mo rapela, go ithuta Lentšu la gagwe le go dira seo se mo thabišago

Go ya ka dilo tše, na o ka re o dira seo se nyakegago gore o be kgauswi le Modimo? Na go na le dikarolo tšeo o naganago gore o ka kaonefatša go tšona? Go a kwagala gore go nyakega boiteko, eupša nagana ka mafelelo a go dira bjalo.

Jennifer wa kua United States o re: “Go a swanela go dira boiteko bjo bongwe le bjo bongwe gore o be le tswalano ya kgauswi le Modimo. Tswalano ye e tlišetša motho ditšhegofatšo tše dintši: go bota Modimo kudu, go kwešiša semelo sa gagwe kutšwanyana, eupša sa bohlokwa le go feta, o tla mo rata kudu. Ga go na tsela e phalago ye ya go phela!”

Ge e ba o ka rata go ba le tswalano ya kgauswi le Modimo, Dihlatse tša Jehofa di tla thabela go go thuša. Di ka rulaganya go ithuta Beibele le wena, mahala. Le gona o amogelegile gore o ka ba gona dibokeng tša tšona tša Beibele Holong ya Mmušo ya lefelong la geno, moo o tlago go thabela go gwerana le bao ba tšeelago godimo go ba le tswalano le Modimo. * Ge o dutše o dira bjalo, le wena o tla ikwa kamoo mopsalme a ilego a ikwa ka gona, yo a itšego: “Eupša ge e le nna ke kgahlwa ke go batamela Modimo.”—Psalme 73:28.

^ ser. 9 Bakeng sa go kgopela thuto goba go hwetša Holo ya Mmušo ya kgauswi le wena, hle bolela le motho yo a go tlišeditšego makasine wo goba o ye Wepesaeteng ya rena ya www.jw.org/nso, gomme o lebelele sehlogo se se rego, IKGOKAGANYE LE RENA botlaseng bja letlakala.

Ithute ka mo go oketšegilego

DIPOTŠIŠO TŠEO DI BOTŠIŠWAGO KUDU

Thuto ya Beibele ke Eng?

Hwetša dikarabo tša dipotšišo tša mabapi le thuto ya rena ya mahala ya Beibele.