Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

MOROKAMI NOVEMBER 2014

Dipotšišo tša Beibele di a Arabja

Dipotšišo tša Beibele di a Arabja

Na Jesu o ile a tsoša batho e le ka kgonthe?

Jesu o ile a tsoša Latsaro, yo a bego a šetše a na le matšatši a mane a hwile

Beibele e bolela ka mo go kwagalago gore Jesu o ile a tsoša bahu. Dipego tšeo ga se dinonwane; di diragetše mafelong a kgonthe dinakong tše itšego. Ka mohlala, selemong sa ngwaga wa 31 C.E., lešaba le legolo le ile la sepela le Jesu go tloga Kaperenaume go ya Naini. Ge ba fihla, ba ile ba kopana le lešaba le lengwe. O ka bota pego ya tsogo yeo e diragetšego ka morago ga moo ka gobane e begilwe ka Lentšung la Modimo, e lego Beibele, le gore e diragetše pele ga dihlatse tšeo ka moka.—Bala Luka 7:11-15.

Le gona Jesu o ile a tsoša mogwera wa gagwe Latsaro, yo a bego a šetše a na le matšatši a mane a hwile. O ka kgolwa pego ya seo Jesu a se dirilego letšatšing leo ka gobane le yona e bonwe ke dihlatse tše dintši.—Bala Johane 11:39-45.

Ke ka baka la eng Jesu a ile a tsoša batho?

Jesu o tsošitše batho ka gobane o be a tutuetšwa ke kwelobohloko. Le gona o dirile seo go bontšha gore Tatagwe, yena Mmopi wa bophelo, o be a mo neile matla a go fenya lehu.—Bala Johane 5:21, 28, 29.

Go tsoša ga Jesu batho go dira gore re bote dikholofetšo tša gagwe ka bokamoso. O tla tsoša batho ba bantši kudu, go akaretša le ba sa lokago bao ba bego ba sa tsebe selo ka Modimo wa therešo. Ba tla newa sebaka sa go tseba le go rata Jehofa Modimo.—Bala Ditiro 24:15.

 

Ithute ka mo go oketšegilego

Tsogo ya Bahu ke Eng?

O ka makatšwa ke go tseba gore ke bomang bao ba tlago go tsošwa.

Kholofelo ya Kgonthe Bakeng sa Baratiwa ba Gago ba ba Hwilego

Na o hlokofaletše ke motho yo o mo ratago? Na go a kgonega go ba bona gape? Ithute seo Beibele e se bolelago ka tsogo.