Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

MOROKAMI AUGUST 2014

Dipotšišo tša Beibele di a Arabja

Dipotšišo tša Beibele di a Arabja

Na madumedi ka moka a godiša Modimo?

Ge o theetša ditaba tša lefase ka bophara, mohlomongwe o ka ba o lemogile gore dilo tše mpe di dirwa ka baka la bodumedi. Ga se madumedi ka moka ao a tšwago go Modimo wa therešo. (Mateo 7:15) Ke therešo gore bontši bja batho bo forilwe.—Bala 1 Johane 5:19.

Lega go le bjalo, Modimo o šetša batho bao ba botegago bao ba ratago go loka le therešo. (Johane 4:23) Modimo o laletša batho ba bjalo go ithuta therešo go tšwa Lentšung la gagwe, Beibele.—Bala 1 Timotheo 2:3-5.

O ka tseba bjang bodumedi bja therešo?

Jehofa Modimo o kgobokanya batho go tšwa madumeding a mantši a fapafapanego ka go ba ruta therešo le go ba ruta go ratana. (Mika 4:2, 3) Ka gona, o ka kgona go bona bao e lego karolo ya bodumedi bja therešo ka tsela yeo ba hlokomelanago ka yona.—Bala Johane 13:35.

Jehofa Modimo o kgobokanya batho ba mehuta ka moka borapeding bja gagwe bja therešo.—Psalme 133:1

Barapedi ba therešo ba thea tumelo le tsela ya bona ya bophelo Beibeleng. (2 Timotheo 3:16) E bile ba hlompha leina la Modimo. (Psalme 83:18) Ba bolelela Mmušo wa Modimo e le kholofelo e nnoši ya batho. (Daniele 2:44) Ba ekiša Jesu ka go dira gore seetša sa bona se “bonege,” ka go direla baagišani ba bona se sebotse. (Mateo 5:16) Ka gona, Bakriste ba therešo, ba bonwa ka go etela baagišani ba bona magaeng a bona ka morero wa go abelana le bona ditaba tše dibotse tša Mmušo wa Modimo.—Bala Mateo 24:14; Ditiro 5:42; 20:20.

 

Ithute ka mo go oketšegilego

Ditaba tše Dibotse ke Eng?

Ithute seo se bolelwago ke ditaba tše dibotse, ke ka baka la eng di akgofile, le gona ke eng seo o swanetšego go se dira.

Borapedi Bjoo Modimo a bo Amogelago

Hlahloba ditsela tše tshelelago tšeo di hlaolago bodumedi feela bjo Modimo a bo amogelago.