Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

MOROKAMI JULY 2014

Dipotšišo tša Beibele di a Arabja

Dipotšišo tša Beibele di a Arabja

Ke ka baka la’ng re swanetše go rapela?

Jehofa Modimo o nyaka gore re ikwe re lokologile go bolela le yena ka mehla ka dilo tšeo di re tshwenyago. (Luka 18:1-7) O a re theetša ka gore o a re kgahlegela. Ka ge Tatago rena wa legodimong a re laletša ka botho gore re bolele le yena ka thapelo, na e ka ba gabohlale go gana taletšo e bjalo?—Bala Bafilipi 4:6.

Thapelo ga se feela tsela ya go kgopela thušo. Go e na le moo, thapelo e re thuša go batamela go Modimo. (Psalme 8:3, 4) Ge ka mehla re botša Modimo kamoo re ikwago ka gona, re aga segwera sa kgauswiuswi le yena.—Bala Jakobo 4:8.

Re swanetše go rapela bjang?

Ge re rapela, Modimo ga a nyake re diriša mantšu a bomponeng goba go bušeletša dithapelo tšeo di swerwego ka hlogo. Ga go nyakege gore re eme goba go dula ka tsela e itšego ge re rapela. Jehofa o re laletša gore re rapele go tšwa pelong. (Mateo 6:7) Ka mohlala, Isiraeleng ya bogologolo, Hanna o ile a rapela ka bothata bja ka lapeng bjo bo bego bo mo kweša bohloko. Ka morago, ge bohloko bja gagwe bo fetogile lethabo, o ile a leboga Modimo ka thapelo e tšwago pelong.—Bala 1 Samuele 1:10, 12, 13, 26, 27; 2:1.

A tokelo e kgahlišago gakaakaa yeo re nago le yona! Re ka botša Mmopi wa rena sohle seo se re tshwenyago. Re ka buša ra mo tumiša le go mo leboga ka tšeo a re direlago tšona. Ka kgonthe ga se ra swanela go hlokomologa tokelo ye e bohlokwa yeo re nago le yona.—Bala Psalme 145:14-16.

 

Ithute ka mo go oketšegilego

Batamela Kgaufsi le Modimo ka Thapelo

Na Modimo o a go theetša ge o rapela? Go araba potšišo ye, o swanetše go kwešiša seo Beibele e se rutago ka thapelo.