Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Morokami  |  April 2014

Dipotšišo tša Beibele di a Arabja

Dipotšišo tša Beibele di a Arabja

Ke eng seo Jesu a tlago go se dira nakong e tlago?

Ka ngwaga wa 33 C.E., Jesu o ile a hwa, a tsoga bahung gomme a rotogela legodimong. Ka morago ga nako e telele, Jesu o ile a newa bolaodi gore a buše e le Kgoši. (Daniele 7:13, 14) Nakong e tlago, Jesu e le Kgoši o tla tšea kgato gore a hlome khutšo ya lefase le go fediša bodiidi.—Bala Psalme 72:7, 8, 13.

Jesu e le Kgoši, o tla fediša go se loke lefaseng

Jesu o tla dira dilo tše di kgahlišago e le Mmuši wa batho. O tla diriša matla ao Tatagwe a mo filego ona gore a bušetše batho phethegong. Ba tla thabela bophelo lefaseng ka ntle le gore ba se tsoge ba tšofetše le go hwa.—Bala Johane 5:26-29; 1 Bakorinthe 15:25, 26.

Ke eng seo Jesu a se dirago ga bjale?

Ga bjale Jesu o hlahla modiro wa lefase ka moka wa boboledi wa balatedi ba gagwe ba therešo. Ba etela batho gore ba ba bontšhe seo Beibele e se bolelago ka Mmušo wa Modimo. Jesu o boletše gore o be a tla tšwela pele a thekga modiro wa barutiwa ba gagwe go fihlela ge Mmušo wa Modimo o fediša mebušo ya batho.—Bala Mateo 24:14; 28:19, 20.

Jesu o diriša phuthego ya Bokriste bja therešo go iša batho tseleng ya bophelo bjo bokaone. O tla tšwela pele a ba hlahla go feta phedišong ya tshepedišo ya gona bjale ya dilo a ba tsenya lefaseng le lefsa leo le holofeditšwego la Modimo.—Bala 2 Petro 3:7, 13; Kutollo 7:17.

Ithute ka mo go Oketšegilego

Ke Eng Seo ge e le Gabotse Beibele e se Rutago?

Mmušo wa Modimo ke Eng?

Batho ba bantši ba tseba Thapelo ya Morena. Ke eng seo se bolelwago ke polelwana: “Mmušo wa gago a o tle”