Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Morokami  |  March 2014

 TABA YA LETLAKALA LA KA NTLE | SEO MODIMO A GO DIRETŠEGO SONA

Tiragalo Yeo o sa Swanelago go e Foša

Tiragalo Yeo o sa Swanelago go e Foša

Bošegong bja pele ga ge Jesu a ka gafa bophelo bja gagwe, o ile a laela balatedi ba gagwe ba botegago gore ba gopole sehlabelo sa gagwe. A diriša senkgwa seo se sa omelwago le beine e khwibidu pele ga bona, o ile a thea seo se bitšwago Selalelo sa Mafelelo goba Selalelo sa Morena gomme a laela ka gore: “Dulang le dira se e le go nkgopola.”—Luka 22:19.

Ngwaga le ngwaga, Dihlatse tša Jehofa lefaseng ka bophara di bokana bakeng sa go gopola lehu la Jesu letšatšing leo a hwilego ka lona. Ka 2014, letšatši la Segopotšo le ka Mošupologo, April 14, ka morago ga ge letšatši le sobetše.

O laletšwa ka borutho gore o be gona sebokeng se, seo go sona go tlago go newa tsebišo e oketšegilego mabapi le bohlokwa bja lehu la Jesu la sehlabelo. Go ba gona tiragalong ye ke mahala. Go ka se be le dikoleke. Motho yo a go neilego makasine wo a ka go botša nako le lefelo la Segopotšo seo se tlago go swarwa lefelong la geno, goba o ka ya Wepesaeteng ya rena ya jw.org/nso. Hle ngwala tiragalo ye fase, yeo re holofelago gore o ka se e foše.

Ithute ka mo go oketšegilego

SEGOPOTŠO

Segopotšo sa Lehu la Jesu

Ngwaga o mongwe le o mongwe, batho ba dimilione ba bokana gotee go gopola lehu la Jesu. O laletšwa gore o tlo kwa kamoo tiragalo ye e bohlokwa e go kgomago ka gona.