Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

MOROKAMI NOVEMBER 2013

Dipotšišo tša Beibele di a Arabja

Dipotšišo tša Beibele di a Arabja

Ke bomang bao ba tlago go ya legodimong, le gona ka baka la eng?

Batho ba dimilione ba kganyoga go yo phela legodimong. Jesu o boletše gore baapostola ba gagwe ba botegago ba be ba tla phela moo. Pele a e hwa, o ile a holofetša go ba lokišetša lefelo le Tatagwe wa legodimong.—Bala Johane 14:2.

Ke ka baka la’ng batho bao ba tšwago lefaseng ba tla tsošetšwa bophelong bja legodimong? Ba tla dira’ng moo? Jesu o boditše baapostola ba gagwe gore e tla ba dikgoši. Ba tla buša godimo ga lefase.—Bala Luka 22:28-30; Kutollo 5:10.

Na batho ka moka ba lokilego ba ya legodimong?

Dinageng tše dintši, ke batho ba sego kae feela bao e lego babuši. Ka ge Jesu a tsošetša batho bophelong bja legodimong e le gore ba buše godimo ga lefase, re ka letela gore bao ba kgethwago e be ba sego kae. (Luka 12:32) Beibele e bolela ka go lebanya gore ke ba bakae bao ba tlago go buša le Jesu.—Bala Kutollo 14:1.

Jesu o lokišeditše balatedi ba bangwe ba gagwe mafelo legodimong. Na o tseba seo ba tlago go se dira moo?

Bao ba yago legodimong ga se bona feela bao ba tlago go hwetša moputso. Balata ba botegago ba Mmušo wa Jesu ba tla thabela bophelo bjo bo sa felego paradeiseng e tsošološitšwego mo lefaseng. (Johane 3:16) Ba bangwe ba tla tsena Paradeiseng ka go phologa phedišong ya tshepedišo ya gona bjale e kgopo ya dilo. Ba bangwe ba tla tsena ka go tsošwa bahung.—Bala Psalme 37:29; Johane 5:28, 29.

Ithute ka mo go oketšegilego

Mmušo wa Modimo ke Eng?

Batho ba bantši ba tseba Thapelo ya Morena. Ke eng seo se bolelwago ke polelwana: “Mmušo wa gago a o tle”