Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

MOROKAMI NOVEMBER 2013

 TABA YA LETLAKALA LA KA NTLE | MAAKA AO A DIRAGO GORE GO BONAGALE EKA MODIMO GA A RATEGE

Go Thatafalelwa ke go Rata Modimo

Go Thatafalelwa ke go Rata Modimo

“‘O rate Jehofa Modimo wa gago ka pelo ya gago ka moka, ka moya wa gago ka moka le ka monagano wa gago ka moka.’ Ye ke taelo e kgolokgolo le ya pele.”Jesu Kriste, ka 33 C.E. *

Batho ba bangwe ba thatafalelwa ke go rata Modimo. Ba tšea Modimo e le yo go bonagalago go le thata go ka mo kwešiša, a le kgole goba e bile a le sehlogo. Ela hloko ditlhaloso tše di latelago:

  • “Ke ile ka rapela Modimo gore a nthuše, eupša ka nako e swanago ke be ke nagana gore o kgole kudu, moo go bonagalago eka a ka se fihlelelege. Ke be ke tšea Modimo e le motho yo a sego gona e bile a se na maikwelo.”—Marco, Italy.

  • “Gaešita le ge ke be ke nyaka go hlankela Modimo go tšwa pelong, go be go bonagala a le kgole kudu. Ke be ke nagana gore ke Modimo yo sehlogo yo sa gagwe e lego go re otla. Ke be ke sa dumele gore o na le lerato.”—Rosa, Guatemala.

  • “Ge ke be ke sa le ngwana, ke be ke dumela gore Modimo o be a tsomana le diphošo tša rena, a dula a letetše go re otla ge go be go nyakega gore a dire bjalo. Ka morago, ke ile ka mo tšea e le yo a se nago taba le rena. Modimo o be a etša tonakgolo yeo e laolago ditaba tša batho bao e ba bušago—eupša e le yeo e tlogago e se na taba le bona.”—Raymonde, Canada.

O nagana’ng? Na Modimo ke yo a sa rategego? Bakriste ba botšišitše potšišo yeo ka nywagakgolo e mentši. Ge e le gabotse, go kile gwa ba le nako yeo ka yona batho ba bantši ba Bojakaneng ba bego ba sa rapele Modimo Ramatlaohle. Ka baka la’ng? Batho ba be ba mmoifa o šoro. Radihistori Will Durant o beile taba ka tsela ye: “Modiradibe o be a ka tšea kae sebete sa go rapela mmuši yo a boifišago kudu gakaakaa le yo a se nago bogwera?”

Go tlile bjang gore Modimo a lebelelwe e le “yo a boifišago le yo a se nago bogwera”? Ke’ng seo ge e le gabotse Beibele e se rutago ka Modimo? Na go ithuta therešo ka Modimo go ka go thuša gore o mo rate?