Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

MOROKAMI OCTOBER 2013

Dipotšišo tša Beibele di a Arabja

Dipotšišo tša Beibele di a Arabja

Na go na le kholofelo ka bahu?

Lehu le swana le boroko ka kgopolo ya gore bahu ga ba tsebe selo le gore ba ka se kgone go dira selo. Lega go le bjalo, Mmopi wa bophelo a ka kgona go bušetša batho bophelong ka tsogo. E le go hlatsela seo, Modimo o ile a nea Jesu matla a go tsoša bahu ba mmalwa ka go ba bušetša bophelong.—Bala Mmoledi 9:5; Johane 11:11, 43, 44.

Lehu le swana bjang le boroko?

Modimo o holofeditše gore bahu bao ba lego mogopolong wa gagwe ba tla tsošetšwa bophelong lefaseng le lefsa la toko. Bao ba tlago go tsošwa ba swanetše go leta lehung go fihlela Modimo a ba nea bophelo gape. Modimo Ramatlaohle o hlologetše go diriša matla a gagwe go bušetša bahu bophelong.—Bala Jobo 14:14, 15.

Tsogo e tla ba bjang?

Ge Modimo a tsoša batho, ba tla kgona go itseba, go tseba bagwera ba bona le ba malapa a gabo bona. Le ge mmele wa motho o bola, Modimo a ka kgona go tsoša motho yoo ka mmele o mofsa.—Bala 1 Bakorinthe 15:35, 38.

Ke batho ba mmalwa feela bao ba tsošetšwago go phela legodimong. (Kutollo 20:6) Ba bantši bao ba tla bego ba tsošitšwe ba tla boela bophelong paradeiseng e tsošološitšwego mo lefaseng. Ba tla thabela go thoma bophelo lefsa, ka tebelelo ya go phela ka mo go sa felego.—Bala Psalme 37:29; Ditiro 24:15.

Ithute ka mo go oketšegilego

Bahu ba Kae?

Ithute seo Beibele e se bolelago ka gore bahu ba kae le gore ke ka baka la’ng batho ba ehwa.

Kholofelo ya Kgonthe Bakeng sa Baratiwa ba Gago ba ba Hwilego

Na o hlokofaletše ke motho yo o mo ratago? Na go a kgonega go ba bona gape? Ithute seo Beibele e se bolelago ka tsogo.