Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Morokami  |  July 2013

Dipotšišo tša Beibele di a Arabja

Dipotšišo tša Beibele di a Arabja

Na bophelo bjo bo sa felego bo a kgonega?

Ke tokišetšo efe yeo e ka re lokollago lehung?

Motho wa pele, Adama, o phetše nywagakgolo e mentši. Eupša mafelelong, o ile a tšofala le go hwa. Ga e sa le go tloga ka nako yeo, batho ba ile ba leka ditsela tše dintši gore ba pheme go tšofala. Lega go le bjalo, ga go le o tee yo a kilego a kgona go efoga lehu. Ka baka la’ng? Adama o ile a tšofala le go hwa ka ge a dirile sebe ka go se kwe Modimo. Re a tšofala ka gobane re abetše sebe le kotlo ya sona go Adama, e lego lehu.—Bala Genesi 5:5; Baroma 5:12.

E le gore re hwetše bophelo bjo bo sa felego, re nyaka motho yo a ka re lefelelago topollo. (Jobo 33:24, 25) Topollo ke tefo e lefšago bakeng sa go lokolla motho, gomme rena re nyaka go lokollwa lehung. (Ekisodo 21:29, 30) Jesu o ile a lefela tefo yeo ge a be a re hwela.—Bala Johane 3:16.

Re ka hwetša bjang bophelo bjo bo sa felego?

Ga se batho ka moka bao ba tla lokollwago bolwetšing le botšofading. Ge e le gabotse, batho bao ba sa kwego Modimo, bjalo ka ge Adama a dirile, ba tla lahlegelwa ke tokelo ya go phela. Ke feela batho bao ba lebaletšwego dibe tša bona bao ba tla hwetšago bophelo bjo bo sa felego.—Bala Jesaya 33:24; 35:3-6.

E le gore re lebalelwe, re swanetše go gata mogato. Re swanetše gore re tsebe Modimo ka go ithuta Lentšu la gagwe, Beibele. Le re ruta kamoo re ka hwetšago tsela e kaone ya bophelo le kamoo re ka amogelwago ke Modimo le go hwetša bophelo bjo bo sa felego.—Bala Johane 17:3; Ditiro 3:19.

Ithute ka mo go oketšegilego

MOROKAMI

Na Dibe tša Rena di ka Lebalelwa?

Na Modimo o lebalela gaešita le dibe tše dikgolo? Re swanetše go dira’ng ge e ba re nyaka go amogelwa ke Modimo?