Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

MOROKAMI MAY 2013

Dipotšišo tša Beibele di a Arabja

Dipotšišo tša Beibele di a Arabja

Na dibe tša rena di ka lebalelwa?

Ga go thata kudu gore re amogelwe ke Modimo

Go ya ka Beibele, batho ka moka ke badiradibe. Re abetše mokgwa wa go dira sebe go motho wa pele, e lego Adama. Ka gona, ka dinako tše dingwe re dira dilo tše mpe tšeo re ka itsholelago tšona ka morago. Morwa wa Modimo, Jesu Kriste, o lefeletše dibe tša rena ka go re hwela. Sehlabelo sa gagwe sa topollo se dirile gore tebalelo e kgonege. Ke mpho e tšwago go Modimo.—Bala Baroma 3:23, 24.

Batho ba bangwe ba dirile dibe tše dikgolo gomme ba ipotšiša ge e ba Modimo a ka ba lebalela. Se se thabišago ke gore Lentšu la Modimo le re: “Madi a Jesu Morwa wa gagwe a re hlwekiša sebeng sohle.” (1 Johane 1:7) Jehofa o lebalela gaešita le dibe tše dikgolo ge e ba re bontšha boemo bjo bo nepagetšego bja go itshola.—Bala Jesaya 1:18.

Re swanetše go dira eng gore re lebalelwe?

Ge e ba re nyaka gore Jehofa Modimo a re lebalele, re swanetše go ithuta ka yena—re kwešiše ditsela tša gagwe, keletšo ya gagwe le dilo tšeo a di nyakago go rena. (Johane 17:3) Jehofa o lebalela ka bolokologi bao ba itsholelago boitshwaro bja bona bjo bobe gomme ba leka go fetoga.—Bala Ditiro 3:19.

Ga go thata kudu gore re amogelwe ke Modimo. Jehofa o kwešiša mafokodi a rena. O a gaugela e bile o botho. Na botho bja gagwe ga bo go dire gore o nyake go ithuta mo go oketšegilego mabapi le gore o ka mo kgahliša bjang?—Bala Psalme 103:13, 14.

 

 

Ithute ka mo go oketšegilego

Topollo—Mpho e Kgolo Kudu ya Modimo

Topollo ke eng? E bolela’ng go wena?

Modimo ke Mang?

Na Modimo o na le leina le gona na o na le taba le rena?

Na o Dira Seo Modimo a go Kgopelago go se Dira?

Go kwa Modimo go bohlokwa, lega go le bjalo, go nyakega se se fetago go mo kwa gore o gwerane le yena.