Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

MOROKAMI FEBRUARY 2013

Dipotšišo tša Beibele di a Arabja

Dipotšišo tša Beibele di a Arabja

Diabolo o tšwa kae?

Modimo ga se a ka a bopa Diabolo. Go e na le moo, Modimo o ile a bopa morongwa yoo ka morago a ilego a fetoga Diabolo, yoo gape a tsebjago e le Sathane. Jesu o bontšha gore ka nako e nngwe Diabolo o be a kile a botega e bile a se na molato. Ka gona, mathomong Diabolo o kile a ba morwa wa Modimo yo a lokilego wa morongwa.—Bala Johane 8:44.

Morongwa a ka fetoga Diabolo bjang?

Morongwa yo a ilego a fetoga Diabolo o ile a kgetha go ganetša Modimo gomme a hlohleletša le batho ba babedi ba pele gore ba mo thekge. Ka gona o ile a iphetoša Sathane, yeo e bolelago gore “Moganetši.”—Bala Genesi 3:1-5; Kutollo 12:9.

Go swana le dibopiwa tša Modimo ka moka tše bohlale, morongwa yo a ilego a fetoga Diabolo o be a na le tokologo ya go kgetha go dira se se nepagetšego le se se fošagetšego, eupša o ile a hlagolela kganyogo ya go nyaka go rapelwa. Kganyogo ya gagwe ya go nyaka letago e be e le e matla go feta kganyogo ya gagwe ya go nyaka go kgahliša Modimo.—Bala Mateo 4:8, 9; Jakobo 1:13, 14.

Diabolo o ile a tšwela pele a tutuetša batho bjang? Na o swanetše go mmoifa? O ka hwetša dikarabo tša dipotšišo tše ka Beibeleng.

Ithute ka mo go oketšegilego

Dibopiwa tša Moya—Kamoo di re Kgomago ka Gona

Beibele e bolela ka barongwa le batemona. Na dibopiwa tše tša moya di gona? Di ka go kgoma bjang?