Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Morokami  |  January 2013

Dipotšišo tša Beibele di a Arabja

Dipotšišo tša Beibele di a Arabja

Leina la Modimo ke mang?

Ba malapa a gabo rena ka moka ba na le maina. Gaešita le diruiwa di na le maina! Na e be e ka se be mo go kwagalago gore Modimo a be le leina? Ka Beibeleng, Modimo o na le direto tše dintši, tše bjalo ka Modimo Ramatlaohle, Mmuši Morena le Mmopi, eupša gape o na le leina.—Bala Jesaya 42:8.

Diphetolelo tše dintši tša Beibele di na le leina la Modimo go Psalme 83:18. Ka mohlala, ka go Phetolelo ya Lefase le Lefsa ya Mangwalo a Makgethwa, temana yeo e re: “Wena yoo leina la gago e lego Jehofa, ke wena o nnoši o lego Yo Godimodimo godimo ga lefase ka moka.”

Ke ka baka la eng re swanetše go diriša leina la Modimo?

Modimo o nyaka gore re diriše leina la gagwe. Re bitša batho bao re ba ratago ka maina ge re bolela le bona, ba bjalo ka bagwera ba rena ba kgauswi—kudukudu ge e ba ba rata ge re ba bitša ka ona. Na e swanetše go ba taba e fapanego ge re bolela le Modimo? Go feta moo, Jesu Kriste o ile a kgothaletša gore leina la Modimo le dirišwe.—Bala Mateo 6:9; Johane 17:26.

Lega go le bjalo, re swanetše go tseba mo gontši ka Modimo go feta go fo tseba leina la gagwe ge e ba re nyaka go ba bagwera ba gagwe. Ka mohlala, Modimo o bjang? Na ruri go a kgonega go batamela kgauswi le Modimo? O ka hwetša dikarabo tša dipotšišo tšeo ka Beibeleng.

Ithute ka mo go Oketšegilego

Ke Eng Seo ge e le Gabotse Beibele e se Rutago?

Therešo ke Efe ka Modimo?

Na o nagana gore Modimo o tshwenyegile ka wena? Ithute ka semelo sa gagwe le kamoo o ka batamelago kgaufsi le yena.