Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

MOROKAMI JANUARY 2013

Go Babadi ba Rena

Go Babadi ba Rena

Makasine wo o o balago gona bjale o thomile go gatišwa ka July 1879. Dinako di fetogile ga e sa le go tloga ka nako yeo—gomme go bjalo le ka makasine wo. (Bona diswantšho tše di lego ka mo godimo.) Go thoma ka tokollo ye, o tla lemoga diphetogo tše oketšegilego tseleng yeo Morokami o rulaganywago ka yona. Diphetogo tšeo e tla ba dife?

Dinageng tše dintši, batho ba bantši ba rata go dira nyakišišo Inthaneteng. Gabonolo feela, ba ka hwetša tsebišo yeo e hwetšwago feela Inthaneteng. Dipuku tše dintši, dimakasine le dikuranta di ka balwa Inthaneteng.

Ka ge batho ba bantši ba rata go bala Inthaneteng, re sa tšwa go mpshafatša Wepesaete ya rena ya www.jw.org, go dira gore e ipiletše le gore go be bonolo go e diriša. Bao ba etelago Wepesaete ye ba ka bala dikgatišo tšeo di tšwelelago ka maleme a fetago a 430. Lega go le bjalo, go thoma kgweding ye, bao ba etelago Wepesaete ya rena ba ka bala dihlogo tšeo di bego di gatišwa ka mehla dimakasineng tša rena eupša ga bjale di tla hwetšwa feela Wepesaeteng ya rena. *

Ka ge dihlogo tše dintši di tla hwetšwa Inthaneteng feela, kgatišo ya batho bohle ya Morokami e tla fokotšwa go tloga go matlakala a 32 go ya go a 16, go thoma ka tokollo ye. Morokami ga bjale o šetše o gatišwa ka maleme a 204. Ka baka la ge kgatišo ye e fokoditšwe, ga bjale e ka fetolelwa ka maleme a oketšegilego.

Re holofela gore diphetogo tše di tla re thuša go fihlelela batho ba oketšegilego ka molaetša wa Beibele o phološago maphelo. Re ikemišeditše go tšwela pele re nea tsebišo e humile yeo e fahlošago le e ipiletšago—bobedi ka dikgatišo le ka Inthanete—go thuša babadi ba rena ba bantši bao ba hlomphago Beibele e bile ba nyaka go tseba seo ge e le gabotse e se rutago.

Bagatiši

^ ser. 5 Gare ga dihlogo tšeo di tšwelelago feela Inthaneteng go ka hwetšwa dihlogo tše di latelago: “Bakeng sa Bafsa,” seo se huperego mediro ya thuto ya Beibele yeo e lebišitšwego go bafsa, le “Seo ke Ithutago Sona ka Beibeleng,” e lego lelokelelo la dihlogo leo le diretšwego batswadi gore ba le bale le bana ba nywaga e meraro le ya ka tlase.