Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

MOROKAMI OCTOBER 2012

 Bakeng sa Bafsa

Phema go Rata Maemo!

Phema go Rata Maemo!

Ditaelo: Dira mošomo wo lefelong le le homotšego. Ge o dutše o bala mangwalo, ipone o le mmogedi o bogetše seo se diregago. Bona tiragalo. Ekwa mantšu. Ikwe kamoo baanegwathwadi ba ikwago ka gona. Dira gore taba e phele.

Baanegwathwadi: Dafida, Abesalomo le Joaba

Kakaretšo: Abesalomo o leka go amoga tatagwe sedulo sa bogoši.

SEKASEKA DITIRAGALO TŠE.—BALA 2 SAMUELE 14:25-33; 15:1-17; 18:9-17, 30-33.

Hlalosa ponagalo ya Abesalomo, go ya kamoo o mo akanyago ka gona. (Bala gape 2 Samuele 14:25, 26.)

O akanya gore boemo bja Abesalomo bja kgopolo e be e le bofe le gore lentšu la gagwe le be le kwagala bjang ge a be a leka go thopa dipelo tša bao ba tlelago go nyaka kahlolo ya toka? (Bala gape 2 Samuele 15:2-6.)

O lemoga’ng ka semelo sa Abesalomo tiragalong yeo e ngwadilwego go 2 Samuele 14:28-30?

NYAKIŠIŠA.

Abesalomo o be a ile a dira eng gore a kgone go hwetša sedulo sa bogoši? (Go go thuša go hwetša karabo: Bala 2 Samuele 13:28, 29. Aminone e be e le morwa yo mogolo wa Dafida gomme ka baka leo e be e le yena a bego a swanetše go dula sedulong sa bogoši.)

Go sa šetšwe go rata ga gagwe maemo le go leka go ikhweletša letago, tsela yeo Abesalomo a bolokilwego ka yona e bontšha bjang kamoo ge e le gabotse a bego a lebelelwa ka gona? (Bala gape 2 Samuele 18:17.)

O nagana gore ke eng seo se ka bago se dirile gore Abesalomo a be le moya wa go rata maemo? (Bakeng sa go bapiša, bala seo se bolelwago ka Dioterefe go 3 Johane 9, 10.)

 Dafida o ile a kgongwa bjang ke ditiro tša Abesalomo? (Go go thuša go hwetša karabo: Bala Psalme 3, yeo Dafida a e ngwadilego nakong ya borabele bja Abesalomo.)

DIRIŠA SEO O ITHUTILEGO SONA. NGWALA SEO O ITHUTILEGO SONA KA . . .

Kotsi ya moya wa go rata maemo.

Bohloko bjoo ditiro tša motho di ka bo bakelago ba bangwe, go akaretša le batswadi ba gagwe.

DINTLHA TŠE OKETŠEGILEGO TŠE O KA DI DIRIŠAGO.

O ka wela bjang molabeng wa go rata maemo?

O ka phema bjang go phegelela boikgantšho bjo bo feteletšego?

KE KAROLO EFE YA PEGO YE YEO O HWEDITŠEGO E LE E HOLAGO KUDU, GOMME KA BAKA LA’NG?

Tšhišinyo: Akanya ka mafelelo a fapanego a pego ye. Ke eng seo se bego se tla direga ge nkabe Abesalomo a ile a ikokobetša go e na le go rata maemo?—Diema 18:12.