Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Morokami  |  2009-11-01

Nonwane 3: Batho ba Lokilego ka Moka ba ya Legodimong

Nonwane 3: Batho ba Lokilego ka Moka ba ya Legodimong

Nonwane ye e tšwa kae?

Ka morago ga lehu la baapostola ba Jesu, mathomong a lekgolo la bobedi la nywaga C.E., Botate ba Kereke ba mathomong ba ile ba hwetša botumo. Ge e hlalosa dithuto tša bona, New Catholic Encyclopedia (2003), Bolumo 6, letlakala 687, e re: “Thuto e tlwaelegilego ke ya gore lethabo la legodimong le fiwa moya o tšwelego mmeleng gatee-tee ka morago ga tlhwekišo le ge e le efe e nyakegago ka morago ga lehu.”

Beibele e re’ng?

“Go thaba ba moya o boleta, ka ge ba tla ja bohwa bja lefase.”Mateo 5:5.

Gaešita le ge Jesu a ile a holofetša barutiwa ba gagwe gore o be a tla ba “lokišetša lefelo” legodimong, o bontšhitše gore ga se baloki ka moka bao ba tlago go ya gona. (Johane 3:13; 14:2, 3) Na ga se a ka a rapela ka gore thato ya Modimo e direge “le mo lefaseng bjalo ka ge e direga legodimong”? (Mateo 6:9, 10) Ge e le gabotse, le lengwe le le lengwe la mafelo a a mabedi le letetše batho ba lokilego. Batho ba e sego ba bantši ba tla buša le Kriste legodimong gomme ba bantši ba tla phela lefaseng ka mo go sa felego.—Kutollo 5:10.

Ge nako e dutše e e-ya, kereke ya mathomong e ile ya fetoša pono ya yona ka tema ya yona lefaseng. Ka mafelelo afe? The New Encyclopædia Britannica e re: “Kereke e hlomilwego ka mo go tšwelago pele e ile ya bea se sengwe legatong la Mmušo o letetšwego wa Modimo.” Kereke e ile ya tiiša matla a yona ka go itsenya-tsenya dipolitiking, e hlokomologa mantšu a kwagalago a Jesu a gore balatedi ba gagwe ba be ba se ba swanela go ba “karolo ya lefase.” (Johane 15:19; 17:14-16; 18:36) Ka tlase ga tutuetšo ya Mmušiši wa Roma e lego Constantine, kereke e ile ya kwanantšha tše dingwe tša ditumelo tša yona, tšeo e nngwe ya tšona e bego e akaretša seo Modimo a lego sona.

Bapiša ditemana tše tša Beibele: Psalme 37:10, 11, 29; Johane 17:3; 2 Timotheo 2:11, 12

THEREŠO:

Bontši bja batho bo tla phela ka mo go sa felego mo lefaseng—e sego legodimong