Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

MOROKAMI (KGATIŠO E ITHUTWAGO) OCTOBER 2015

“Le Dule le Swara Batho ba Mohuta Woo ka Tlhompho”

“Le Dule le Swara Batho ba Mohuta Woo ka Tlhompho”

GA E sa le go tloga ka 1992, Sehlopha se Bušago se abetše bagolo bao ba nago le phihlelo le bao ba godilego moyeng gore ba thuše dikomiti tša sona go phetha mošomo wa tšona. * (Bona mongwalo wa ka tlase.) Bana babo rena ba bao ba thušago Sehlopha se Bušago, bao e lego ba bangwe ba “dinku tše dingwe,” ba thekga Sehlopha se Bušago ka tsela e kgolo kudu. (Johane 10:16) Ba ba gona dibokeng tša beke le beke tša dikomiti tšeo ba abetšwego go šoma le tšona. Mošomo wa bona ke go nea boitsebišo le ge e le bofe bjo bo hlokagalago le go nea ditšhišinyo. Ditho tša Sehlopha se Bušago ke tšona di dirago diphetho, ke moka bana babo rena bao ba ba thušago ba kgonthišetša gore diphetho tšeo di fihleletšwego di a latelwa. Bana babo rena ba ba ikemišeditše go dira mešomo le ge e le efe yeo ba e abelwago. Ba sepela le ditho tša Sehlopha se Bušago go ya dikopanong tše di kgethegilego le tša ditšhabatšhaba. Le gona ba ka abelwa go etela diofisi tša makala e le baemedi ba ntlokgolo.

Ngwanabo rena yo mongwe yo a hlanketšego e le mothuši wa Sehlopha se Bušago ga e sa le go tloga ka 1992 o re: “Ge ke dira mešomo yeo ke e abetšwego, Sehlopha se Bušago se kgona go swarega kutšwanyana ka ditaba tša moya.” Ngwanabo rena yo mongwe yo a hlanketšego e le mothuši wa Sehlopha se Bušago ka nywaga e 20 o re: “Ye e bile tokelo e kgolo kudu go di feta ka moka.”

Sehlopha se Bušago se neile bana babo rena ba bao ba botegago boikarabelo bjo bogolo kudu e bile se leboga kudu go šoma ga bona ka thata. Anke ka moka ga rena re “dule [re] swara batho ba mohuta woo ka tlhompho.”—Bafilipi 2:29.

^ par. 2 Gore o ithute ka mo go oketšegilego ka maikarabelo a dikomiti tše tshelelago tša Sehlopha se Bušago, bona lepokisi le le rego, “Kamoo Sehlopha se Bušago se Hlokomelago Dikgahlego tša Mmušo,” go kgaolo 12 ya puku ya Mmušo wa Modimo o a Buša!