Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

MOROKAMI (KGATIŠO E ITHUTWAGO) APRIL 2015

Na Sehlare se se Remilwego se ka Hloga Gape?

Na Sehlare se se Remilwego se ka Hloga Gape?

SEHLARE seo se kobegilego le seo se phetlegilego sa mohlware se ka bonagala se sa bogege ge se bapišwa le sehlare se sebotse sa motsedara wa Libanoni. Eupša dihlare tša mohlware di na le bokgoni bjo bo makatšago bja go phela gaešita le maemong a thata. Tše dingwe di na le nywaga e ka bago e 1 000. Medu ya sehlare sa mohlware e nabela kgole ka tlase ga mobu, gomme sehlare se se kgona go hloga gape gaešita le ge kutu ya sona e remilwe. Ge feela medu ya sona e sa phela, se tla mela gape.

Monna yo a botegago e lego Jobo o be a kgodišegile gore gaešita le ge a ka hwa, o tla phela gape. (Jobo 14:13-15) O ile a diriša mohlala wa sehlare, mohlomongwe sa mohlware, go bontšha kgodišego ya gagwe bokgoning bja Modimo bja go mo tsoša. Jobo o itše: “Go na le kholofelo gaešita le ka sehlare. Ge e ba se ka ripša, se tla buša sa hloga gape.” Ge pula e ena ka morago ga komelelo, kutu ya sehlare sa mohlware yeo e omeletšego e kgona go phela gape gomme ya tšweletša “thabe ya lekala go etša semela se senanana.”—Jobo 14:7-9.

Go etša ge molemi a fagahlela go bona sehlare sa mohlware seo se ilego sa ripša se hloga gape, Jehofa Modimo le yena o fagahletše go tsoša bahlanka ba gagwe le batho ba bangwe ba bantši. (Mateo 22:31, 32; Johane 5:28, 29; Ditiro 24:15) Akanya kamoo re tlago go thaba ka gona ge re amogela bahu gomme re ba bona ba phela gape!