Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

MOROKAMI (KGATIŠO E ITHUTWAGO) AUGUST 2013

Dipotšišo tše Tšwago go Babadi

Dipotšišo tše Tšwago go Babadi

Na e tla ba mo go swanetšego gore batswadi ba Bakriste ge ba le dibokeng ba dule le ngwana wa bona yo a kgaotšwego?

Ga go na lebaka leo le dirago gore ge re le Holong ya Mmušo re tshwenyege kudu ka madulo a motho yo a kgaotšwego. Makasine wo o dirile maiteko a magolo a go kgothaletša batswadi ba Bakriste go thuša moyeng ngwana wa bona yoo a kgaotšwego yo a sa dulago le bona ka gae ge e ba go loketše go dira seo. Go etša ge re bone go Morokami wa November 15, 1988, letlakala 19 le 20, batswadi ba ka ithuta Beibele le ngwana yo a lego mahlalagading yo a kgaotšwego yoo a sa dulago le bona ka gae. Re holofela gore ngwana yoo o tla hwetša kgothatšo yeo a e hlokago gore a lokiše ditsela tša gagwe.

Ge go tliwa tabeng ya madulo Holong ya Mmušo, ke mo go kwagalago gore ngwana yo a kgaotšwego a ka itulela le batswadi ba gagwe a ikhomoletše. Ka ge go se na molao wa gore motho yo a kgaotšwego a dule morago Holong ya Mmušo, ga go na bothata ge ngwana yo a kgaotšwego a dula le batswadi ba gagwe dibokeng, go sa šetšwe gore ba dutše kae. Ge batswadi ba dutše ba hlokometše ngwana wa bona moyeng, ba tla kgonthišetša gore o holega kudu ge a le dibokeng. Ngwana wa bona a ka holega kudu ge a ka dula le bona go e na le gore ba mo tlogele a itulela a nnoši a sa hlokomelwa.

Lega go le bjalo, go thwe’ng ge e ba ngwana yo a kgaotšwego a se sa dula le batswadi ba gagwe? Na se se bolela gore a ka se dule le batswadi ba gagwe dibokeng? Nakong e fetilego, makasine wo o ile wa bontšha gabotse tsela ya maleba yeo Mokriste a swanetšego go itshwara ka yona ge go tliwa tabeng ya go gwerana le wa leloko yoo a kgaotšwego yo a sa dulego ka gae. * Lega go le bjalo, boemong bjoo motho yo a kgaotšwego a dulago setulong kgauswi le ba leloko a ikhomoletše nakong ya diboka bo fapane kudu le boemo bja ge ba leloko ba tswakana le yena go sa nyakege. Ge e ba ditho tše di botegago tša lapa di na le boemo bjo bo nepagetšego ka wa leloko yo a kgaotšwego gomme di katanela go latela keletšo ya Mangwalo ya mabapi le go ba le tswalano le yena, gona go ka se be le lebaka la gore re tshwenyege ka boemo bjoo.—1 Bakor. 5:11, 13; 2 Joh. 11.

Taba ya gore motho yo a kgaotšwego o dula kgauswi le wa leloko goba kgauswi le setho le ge e le sefe sa phuthego ga se ya swanela go re tshwenya ge feela a itshwara gabotse. Maemong a mangwe, go laola moo motho a dulago gona dibokeng go ka tsoša mathata a mantši. Ge e ba batho ka moka bao ba lego dibokeng, go akaretša le ba leloko, ba katanela go hlompha melao ya motheo ya Beibele mabapi le go kgaolwa, gomme se se sa kgopiše bana babo rena, gona ga se ra swanela go tshwenyega ka gore mang o dula kae ge re le dibokeng tša Bokriste. *

^ ser. 5 Bona Morokami wa March 1, 1982, matlakala 16 le 17.

^ ser. 6 Se se lokiša seo se ilego sa gatišwa ka go Morokami wa Seisemane wa April 1, 1953, letlakala 223.