Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

MOROKAMI (KGATIŠO E ITHUTWAGO) JULY 2013

Setho se Sefsa sa Sehlopha se Bušago

Setho se Sefsa sa Sehlopha se Bušago

Mesong ya Laboraro la September 5, 2012, go dirilwe tsebišo lapeng la Bethele la United States le la Canada gore go kgethilwe setho se sefsa sa Sehlopha se Bušago sa Dihlatse tša Jehofa. Go thoma ka September 1, 2012, Ngwanabo rena Mark Sanderson o ile a thoma go hlankela boemong bjoo.

Ngwanabo rena Sanderson o godišitšwe ke batswadi ba Bakriste kua San Diego, California, U.S.A., gomme a kolobetšwa ka February 9, 1975. O ile a thoma go hlankela e le mmulamadibogo wa ka mehla ka September 1, 1983 kua Saskatchewan, Canada. Ka December 1990, o ile a aloga klaseng ya bošupa Sekolong sa Tlwaetšo ya Bodiredi (seo ga bjale se bitšwago Sekolo sa Beibele sa Bana Babo Rena ba Sego Lenyalong) kua United States. Ka April 1991, Ngwanabo rena Sanderson o ile a kgethwa go hlankela e le mmulamadibogo yo a kgethegilego kua sehlakahlakeng sa Newfoundland, Canada. Ka morago ga go hlankela e le mothuši wa molebeledi wa tikologo, o ile a laletšwa go hlankela e le setho sa lapa la Bethele ya Canada ka February 1997. O ile a romelwa lekaleng la United States ka November 2000, moo a ilego a šoma Lefapheng la Ditirelo tša Tsebišo ya Sepetlele, gomme ka morago a šoma Lefapheng la Tirelo.

Ka September 2008, Ngwanabo rena Sanderson o ile a ba Sekolong sa Ditho tša Komiti ya Lekala gomme ka morago ga moo a kgethwa go ba setho sa Komiti ya Lekala la Philippines. O ile a laletšwa gore a boe United States ka September 2010, moo a ilego a hlankela e le mothuši wa Komiti ya Tirelo ya Sehlopha se Bušago.