Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

MOROKAMI (KGATIŠO E ITHUTWAGO) 2006-11-15

Amogela Tayo ya Jehofa ka Mehla

Amogela Tayo ya Jehofa ka Mehla

“O se lahle tayo ya Jehofa.”—DIEMA 3:11PK.

1. Ke ka baka la’ng re swanetše go amogela tayo ya Modimo?

KGOŠI SALOMO wa Isiraele ya bogologolo o nea yo mongwe le yo mongwe wa rena lebaka le lebotse la go amogela tayo e tšwago go Modimo. Salomo o re: “Ngwana-ka, o se lahle tayo ya Jehofa, gomme o se fele pelo ka baka la tsholo ya gagwe; gobane Jehofa o sola yo a mo ratago, bjalo ka tatago motho ge a sola morwa wa gagwe yo a mo ratago.” (Diema 3:11, 12, PK) Ee, Tatago wa legodimong o a go laya ka ge a go rata.

2. “Tayo” e hlaloswa bjang, gomme motho a ka newa tayo ka tsela efe?

2 “Tayo” e bolela kotlo, phošollo, taelo le thuto. Moapostola Paulo o ngwadile gore: “Ga go na tayo yeo mo nakong ye e bonagalago e thabiša, eupša e bohloko; lega go le bjalo ka morago ga moo go bao ba tlwaeditšwego ka yona e tšweletša seenywa sa khutšo, e lego toko.” (Baheberu 12:11) Go amogela le go diriša tayo ya Modimo go ka go thuša go kgomarela tsela ya toko gomme ka go rialo gwa go batametša kgaufsi le Modimo yo mokgethwa, Jehofa. (Psalme 99:5) O ka phošollwa ke badumedi-gotee le wena, dilo tšeo o ithutago tšona dibokeng tša Bokriste le ge o ithuta Lentšu la Modimo le dikgatišo tša “molaki yo a botegago.” (Luka 12:42-44) Ruri o tla leboga kudu ge o lemošwa ka selo se itšego seo se nyakago go fetošwa! Eupša go ka nyakega tayo efe ge go dirilwe sebe se segolo?

Lebaka Leo ka Lona ba Bangwe ba Kgaolwago

3. Go kgaolwa go dirwa neng?

3 Bahlanka ba Modimo ba ithuta Beibele le dikgatišo tša Bokriste. Ditekanyetšo tša Jehofa di ahla-ahlwa dibokeng tša bona, dikopanong tše dinyenyane le tše dikgolo. Ka baka leo,  Bakriste ba tseba seo Jehofa a se nyakago go bona. Go kgaolwa go dirwa ge feela setho sa phuthego se dira sebe se segolo gomme se sa itshole.

4, 5. Ke mohlala ofe wa Mangwalo mabapi le go kgaolwa wo o bontšhwago mo, gomme ke ka baka la’ng phuthego e ile ya kgothaletšwa go bušetša motho yoo?

4 Ela hloko mohlala wa Mangwalo wa motho yo a kilego a kgaolwa. Phuthego ya Korinthe e ile ya kgotlelela “bootswa bjo bo [bego bo se] gona gaešita le gare ga ditšhaba, gore motho yo mongwe o [be a] tšere mosadi wa tatagwe.” Paulo o ile a kgothaletša Bakorinthe gore ba “gafele motho yo bjalo Sathane gore go senyege nama, e le gore moya o phološwe letšatšing la Morena.” (1 Bakorinthe 5:1-5) Ge a be a kgaolwa gomme ka go rialo a gafelwa Sathane, modiradibe yoo o be a e-ba karolo ya lefase la Diabolo gape. (1 Johane 5:19) Go rakwa ga gagwe go tlošitše tutuetšo e kgopo ya nama ka phuthegong gomme gwa boloka “moya” wa Modimo, goba mokgwa o tutuetšago.—2 Timotheo 4:22; 1 Bakorinthe 5:11-13.

5 Paulo o kgothaleditše Bakriste ba kua Korinthe gore ba bušetše modiradibe yoo ka phuthegong pele ga ge go ka feta nako e telele kudu. Ka baka la’ng? Moapostola o boletše gore e be e le bakeng sa gore ba se ke ba “radiwa ke Sathane.” Go bonala modiradibe a be a itshotše gomme a hlwekišitše bophelo bja gagwe. (2 Bakorinthe 2:8-11) Ge e ba Bakorinthe ba ile ba gana go bušetša motho yo a itsholago, Sathane o be a tla ba radia ka kgopolo ya gore ba be ba tla ba le dipelo tše thata gomme ba se lebalele go etša ge Diabolo a be a nyaka gore ba be bjalo. Go bonagala gabotse gore kapejana ba ile ba ‘lebalela le go homotša’ motho yo a itsholago.—2 Bakorinthe 2:5-7.

6. Ke’ng seo se ka fihlelelwago ka go kgaola?

6 Ke’ng seo se fihlelelwago ka go kgaola? Go boloka leina la Jehofa le lekgethwa le hlwekile gomme go šireletša botumo bjo bobotse bja batho ba gagwe. (1 Petro 1:14-16) Go tloša modiradibe yo a sa itsholego ka phuthegong go godiša ditekanyetšo tša Modimo gomme go dira gore phuthego e dule e hlwekile moyeng. Le gona go ka dira gore motho yo a sa itsholego a hlaphogelwe monaganong.

Ke ka baka la’ng moapostola Paulo a ile a romela Bakorinthe ditaelo mabapi le go kgaola?

Go Itshola go Bohlokwa

7. Go palelwa ke go ipobola dibe go bile le mafelelo afe go Dafida?

7 Bontši bja bao ba dirago sebe se segolo ba itshola e le ka kgonthe gomme ga ba kgaolwe ka phuthegong. Ke therešo gore go itshola e le ka kgonthe ga go itlele feela. Ela hloko Kgoši Dafida wa Isiraele, yo a hlamilego Psalme ya bo-32. Kopelo yeo e utolla gore Dafida o ile a fetša nako e itšego a sa ipobole dibe tša gagwe tše dikgolo, tšeo go bonagalago di be di akaretša Batseba. Mafelelo e bile gore kgateletšo yeo a e baketšwego ke dibe tša gagwe e ile ya mo fetša matla, go fo swana le ge phišo e kgolo ya selemo e monya monola wa sehlare. Dafida o ile a tlaišega mmeleng le monaganong, eupša ge a be a ‘ipobola dibe tša gagwe, Jehofa o ile a mo lebalela.’ (Psalme 32:3-5) Ke moka Dafida o ile a opela ka gore: “Wa lehlôxônôlô ké motho eo Morêna a sa mmalelexo molato, a se naxo bofora mo pelong.” (Psalme 32:1, 2) Ruri e be e le mo gobotse go hwetša kgaugelo ya Modimo!

8, 9. Boitsholo bo bonagatšwa bjang, gomme bo bohlokwa gakaaka’ng mabapi le go bušetšwa ga motho yo a kgaotšwego?

8 Ka gona, go molaleng gore modiradibe o swanetše go ipobola e le gore a hwetše kgaugelo. Lega go le bjalo, go hlabja ke dihlong goba go tshwenyega ka gore sebe se tla tsebja ga se go itshola. “Go itshola” go bolela go “fetoša monagano wa motho” mabapi le boitshwaro bjo bobe, ka baka la go swaba. Motho yo a itsholago o na le ‘pelo e robegilego le e setlegilego’ gomme o nyaka go ‘lokiša phošo’ ge e ba go kgonega.—Psalme 51:17; 2 Bakorinthe 7:11.

9 Go itshola go bohlokwa kudu ge go tliwa tabeng ya go bušetšwa ka phuthegong ya Bokriste. Motho yo a kgaotšwego ga a fo amogelwa gape ka phuthegong ka morago ga ge go fetile nako e itšego. Pele ga ge a ka bušetšwa, boemo bja gagwe bja pelo bo swanetše go fetoga e le ruri. O swanetše go lemoga bogolo bja sebe sa gagwe le kgobošo yeo a e tlišitšego leineng la  Jehofa le phuthego. Modiradibe o swanetše go itshola, a rapelele tebalelo ka go tšwa pelong gomme a dumelelane le dinyakwa tša Modimo tša go loka. Ge a kgopela go bušetšwa, o swanetše go kgona go nea bohlatse bja gore o itshotše gomme o tšweletša “mediro yeo e swanelago boitsholo.”—Ditiro 26:20.

Ke ka Baka La’ng o Swanetše go Ipobola Dibe?

10, 11. Ke ka baka la’ng re sa swanela go leka go uta sebe?

10 Ba bangwe bao ba dirilego sebe ba ka bolela gore: ‘Ge ke botša motho sebe sa-ka, nka swanelwa ke go araba dipotšišo tše di lešago dihlong gomme nka kgaolwa. Eupša ge ke ikhomolela, nka phema seo gomme ga go na motho ka phuthegong yo a ka tsogago a tsebile seo.’ Go nagana ka tsela e bjalo ke go hlokomologa ditaba tše dingwe. Ke dife?

11 Jehofa ke “Modimo yo mabobo le kxauxêlô, wa xo se fêlê pelo, wa botho byo boxolo le therešô. Wa xo bolokêla ba dikete-kete botho, wa xo lebalêla batho bokxôpô le dikaroxô le dibê.” Lega go le bjalo, o phošolla batho ba gagwe “ka tekanyo.” (Ekisodo 34:6, 7; Jeremia 30:11, PK) Ge e ba o ka dira sebe se segolo, o tla gaugelwa bjang ke Modimo ge o leka go uta sebe seo? Jehofa o a se bona, gomme sebe ga se selo seo a fogo se hlokomologa.—Diema 15:3; Habakuku 1:13.

12, 13. Go leka go uta sebe go ka feleletša ka eng?

12 Ge e ba o dirile sebe se segolo, go ipobola go ka go thuša gore o boele o be le letswalo le lebotse. (1 Timotheo 1:18-20) Eupša go palelwa ke go ipobola go ka feleletša ka letswalo le le hwilego leo le ka go dirišago sebe se sengwe gape. Gopola gore ga se feela gore o dira sebe go motho yo mongwe goba phuthego. O dira sebe kgahlanong le Modimo. Mopsalme o opetše ka gore: “Morêna . . . sedulô sa xaxwe se kwa maxodimong; mahlô a xaxwe a a bôna; dintaka tša xaxwe di šetša bana ba batho. Morêna ó šetša ba ba lokilexo le ba babe.”—Psalme 11:4, 5.

13 Jehofa a ka se ke a šegofatša motho le ge e le ofe yo a utago sebe se segolo gomme a leka go dula ka phuthegong e hlwekilego ya Bokriste. (Jakobo 4:6) Ka gona, ge e ba o ile wa wela sebeng gomme o nyaka go dira se se lokilego, o se ke wa dika-dika go ipobola ka go botega. Go sego bjalo, o tla ba le letswalo le le lego molato, kudu-kudu ge o bala goba o e-kwa keletšo yeo e lego mabapi le ditaba tše bjalo tše dikgolo. Go thwe’ng ge e ba Jehofa a ka go amoga moya wa gagwe, go etša ge a dirile go Kgoši Saulo? (1 Samuele 16:14) Ge moya wa Modimo o tlošitšwe, o ka wela sebeng se segolo le go feta.

Bota Bana Beno Bao ba Botegago

14. Ke ka baka la’ng modiradibe a swanetše go latela keletšo ya Jakobo 5:14, 15?

14 Ka gona, modiradibe yo a itsholago o swanetše go dira’ng? “A a bitše bagolo ba phuthego ba mo rapelele, ba mo tlotša ka makhura leineng la Jehofa. Thapelo ya tumelo e tla fodiša yo a fokolago, gomme Jehofa o tla mo tsoša.” (Jakobo 5:14, 15) Go ya go bagolo ke tsela e nngwe ya gore motho a “[tšweletše] dienywa tše di swanelago boitsholo.” (Mateo 3:8) Banna ba bao ba botegago le ba botho ba tla ‘mo rapelela le go mo tlotša ka makhura leineng la Jehofa.’ Ka go swana le makhura ao a fodišago, keletšo ya bona e tšwago Beibeleng e tla homotša motho le ge e le ofe yo a itsholago e le ruri.—Jeremia 8:22.

15, 16. Bagolo ba Bakriste ba latela bjang mohlala wo o beilwego ke Modimo, wo o begilwego go Hesekiele 34:15, 16?

15 Ruri Modiši wa rena, Jehofa, o beile mohlala o lerato ge a be a lokolla Bajuda bokgobeng bja Babilona ka 537 B.C.E. le ge a be a lokolla Isiraele ya moya go “Babilona o Mogolo” ka 1919 C.E.! (Kutollo 17:3-5; Bagalatia 6:16) Ka baka leo, o ile a phethagatša kholofetšo ya gagwe e rego: “Dinku tša-ka ke tlo di diša Nna ka nnoši, ka di hutamiša. . . . Tše di timetšexo ke tlo di nyaka; tše di tšitlanexo ke tlo di buša; tše di xobetšexo ke tlo di fapa; tše di babiwaxo ke tlo alafa.”—Hesekiele 34:15, 16.

16 Jehofa o ile a fepa dinku tša gagwe tša seswantšhetšo, a dira gore di robale di šireletšegile gomme a tsoma tše di timetšego. Ka mo go swanago,  badiši ba Bakriste ba kgonthišetša gore mohlape wa Modimo o hlokomelwa gabotse moyeng e bile o šireletšegile. Bagolo ba tsoma dinku tšeo di fapogago phuthegong. Go etša ge Modimo a ile a ‘fapa tše di gobetšego,’ balebeledi ba “fapa” dinku tše di gobaditšwego ke mantšu a yo mongwe goba ditiro tša tšona ka noši. Le gona go etša ge Modimo a ‘matlafaditše e babjago,’ bagolo ba thuša bao ba babjago moyeng, mohlomongwe ka baka la go dira diphošo.

Kamoo Badiši ba Neago Thušo

17. Ke ka baka la’ng re sa swanela go dika-dika go tsoma thušo ya moya go bagolo?

17 Bagolo ka lethabo ba dira ka go dumelelana le keletšo ye: “Tšwelang pele le bontšha kgaugelo . . . , le dira bjalo ka poifo.” (Juda 23) Bakriste ba bangwe ba dirile sebe se segolo ka go wela boitshwarong bjo bo gobogilego bja tša botona le botshadi. Eupša ge e ba ruri ba itshola, ba ka kgodišega ka kgaugelo le tshwaro e botse ya bagolo bao ba fagahletšego go ba thuša moyeng. Paulo ge a ikakaretša o boletše ka banna ba bjalo gore: “E sego gore re babuši ba tumelo ya lena, eupša re badirišani gore le thabe.” (2 Bakorinthe 1:24) Ka baka leo, o se ke wa dika-dika go tsoma thušo ya bona ya moya.

18. Bagolo ba swara bjang badumedi-gotee le bona bao ba dirilego sebe?

18 Ge e ba o dirile sebe se segolo, ke ka baka la’ng o ka bota bagolo? Ka gobane ke badiši ba bagolo ba mohlape wa Modimo. (1 Petro 5:1-4) Ga go na modiši yo lerato yo a bethago nku e kwago le e llago ge e ikgobaditše. Ka gona, ge bagolo ba swaragana le taba ya badumedi-gotee le bona bao ba dirilego sebe, ga se taba ya bosenyi le kotlo, eupša ke taba ya sebe le go boela sekeng moyeng ge go kgonega. (Jakobo 5:13-20) Bagolo ba swanetše go ahlola ka toka gomme ba “sware mohlape ka bonolo.” (Ditiro 20:29, 30; Jesaya 32:1, 2) Go swana le Bakriste ba bangwe ka moka, bagolo ba swanetše go ‘bontšha toka, botho bjo lerato le go ipoetša ge ba sepela le Modimo.’ (Mika 6:8) Dika tše bjalo di bohlokwa ge go dirwa diphetho tše di akaretšago bophelo le tirelo e kgethwa ya “mohlape wa mafulô [a Jehofa].”—Psalme 100:3.

Ka go swana le badiši ba bogologolo, bagolo ba Bakriste ba “fapa” dinku tša Modimo tše di gobetšego

19. Bagolo ba Bakriste ba leka go phošolla motho ba e-na le boemo bofe bja kgopolo?

19 Badiši ba Bakriste ba kgethwa ka moya o mokgethwa gomme ba leka go hlahlwa ke wona. Ge “motho a gata kgato e fošagetšego pele a lemoga”—go le bjalo ka ge eka o itebetše—banna ba moya bao ba swanelegago ba leka go “bušetša motho yo bjalo tseleng ka moya wa boleta.” (Bagalatia 6:1; Ditiro 20:28) Ka tsela e boleta eupša le ka go kgomarela ditekanyetšo  tša Modimo, bagolo ba leka go lokiša tsela yeo a naganago ka yona, go fo swana le ge ngaka e nago le kwelobohloko e bušetša setho se se gobetšego madulong a sona ka kelohloko, bakeng sa go phema go baka bohloko bjo bo sa nyakegego gomme ka go rialo a alafa kgobalo. (Bakolose 3:12) Ka ge go bontšha kgaugelo le ge e le gofe go tla dirwa ka thapelo gomme go thewe Mangwalong, phetho ya bagolo e tla bontšha tsela yeo Modimo a lebelelago dilo ka yona.—Mateo 18:18.

20. Ke neng mo go ka nyakegago go tsebiša phuthego gore motho yo a itšego o kgalemetšwe?

20 Ge e ba sebe se tsebja goba go se pelaelo gore se tla tsebja, go bonagala e tla ba mo go swanetšego gore go dirwe tsebišo phuthegong bakeng sa go šireletša botumo bja yona. Le gona tsebišo e tla dirwa ge e ba phuthego e swanetše go tsebišwa. Nakong ya ge motho yo a kgalemetšwego ka tsela ya boahlodi a dutše a fola moyeng, a ka swantšhwa le motho yo a folago ge a be a gobetše, e lego seo ka nakwana se lekanyetšago dilo tšeo a ka kgonago go di dira. Go ka ba kaone kudu gore go fete nako e itšego motho yo a itsholago a sa nee ditlhaloso dibokeng eupša a theetša feela. Bagolo ba ka rulaganya gore motho yo mongwe a mo swarele thuto ya Beibele bakeng sa go mo matlafatša mo a fokolago gona e le gore a ka ‘phela tumelong’ gape. (Tito 2:2) Tše ka moka di dirwa ka lerato le gona ga se tša rerelwa go otla modiri wa sebe.

21. Go ka swaraganwa bjang le ditaba tše dingwe tša ge go dirilwe sebe?

21 Bagolo ba ka nea thušo ya moya ka ditsela tše di fapa-fapanego. Ka mohlala, anke re re ngwanabo rena yo a bego a e-na le bothata bja go nwa o nwele ka mo go feteletšego gatee goba gabedi ge a le noši ka gae. Goba mohlomongwe motho yo e lego kgale a tlogetše motšoko o kgogile ka sephiring gatee goba gabedi nakong ya ge a be a fokola. Gaešita le ge a ile a rapela gomme a dumela gore Modimo o mo lebaletše, o swanetše go tsoma thušo go mogolo e le gore sebe seo se se ke sa fetoga setlwaedi. Mogolo o tee goba ba babedi ba ka swaragana le boemo bjoo. Lega go le bjalo, mogolo goba bagolo bao ba tla tsebiša molebeledi yo a okamelago, ka ge go ka ba le ditaba tše dingwe tšeo di akaretšwago.

Tšwela Pele o Amogela Tayo ya Modimo

22, 23. Ke ka baka la’ng o swanetše go tšwela pele o amogela tayo ya Modimo?

22 E le gore a amogelwe ke Modimo, Mokriste yo mongwe le yo mongwe o swanetše go ela hloko tayo ya Jehofa. (1 Timotheo 5:20) Ka gona tšeela godimo go phošollwa le ge e le gofe mo o go hwetšago ge o ithuta Mangwalo le dikgatišo tša Bokriste goba ge o e-kwa keletšo yeo e newago dibokeng, dikopanong tše dinyenyane le tše dikgolo tša batho ba Jehofa. Dula o le mafolofolo ka go dira thato ya Jehofa. Ke moka tayo ya Modimo e tla go thuša gore o dule o e-na le lerako la moya—tšhireletšo e matla malebana le sebe e bjalo ka leboto.

23 Go amogela tayo ya Modimo go tla go thuša gore o dule o ratwa ke Modimo. Ke therešo gore ba bangwe ba rakilwe ka phuthegong ya Bokriste, eupša se se ka se go diragalele ge o “diša pelo y’axo” e bile ‘o sepela bjalo ka ba bohlale.’ (Diema 4:23; Baefeso 5:15) Lega go le bjalo, ge e ba e le gore o kgaotšwe gona bjale, ke ka baka la’ng o sa gate megato e tla dirago gore o bušetšwe? Modimo o nyaka gore batho ka moka bao ba ineetšego go yena ba mo rapele ka go botega le ka “pelo e wilexo.” (Doiteronomio 28:47) O ka dira bjalo ka mo go sa felego ge ka mehla o amogela tayo ya Jehofa.—Psalme 100:2.