Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

PHAFOGA! NO. 4 2016

 TABA YA LETLAKALA LA KA NTLE | KAMOO O KA FETOSAGO MEKGWA YA GAGO

1 Lebelela Dilo ka Tsela ya Kgonthe

1 Lebelela Dilo ka Tsela ya Kgonthe

O ka lekega go nyaka go fetoša dilo ka moka bophelong bja gago ka nako e tee. O ka ipotša gore, ‘Bekeng ye ke kgaotša go kgoga, go rogana le go robala bošego gomme ka thoma go itšhidulla, go ja gabotse le go founela bomakgolo le borakgolo.’ Eupša ge o leka go fihlelela dilo ka moka tšeo o nyakago go di dira ka nako e tee, gona ga go na seo o ka tsogago o se fihleletše!

MOLAO WA MOTHEO WA BEIBELE: “Bohlale ke bja baipoetši.”Diema 11:2.

Motho yo a nago le boipoetšo o lebelela dilo ka tsela ya kgonthe. O lemoga gore nako ya gagwe, matla a gagwe le dilo tšeo a nago le tšona di na le moo di felelago gona. Ka gona, go e na le gore a leke go fetoša dilo ka moka ka nako e tee, o di kaonefatša ganyenyane-ganyenyane.

Ge o leka go fihlelela dilo ka moka tšeo o nyakago go di dira ka nako e tee, gona ga go na seo o ka tsogago o se fihleletše!

SEO O KA SE DIRAGO

Šomela mokgweng o tee goba e mebedi ka nako e tee. Megato e latelago e ka go thuša:

  1. Ingwalele ‘mananeo’ a mabedi a mekgwa e mebotse yeo o nyakago go šomela go yona le mekgwa le ge e le efe e mebe yeo o nyakago go e tlogela. O se ke wa ipeela tekanyo; lenaneong le lengwe le le lengwe ngwala mekgwa e mentši yeo o e naganago.

  2. Thoma ka go ngwala dilo tšeo di tlago pele, o di ngwale ka go latelana go ya ka tšeo di lego bohlokwa go wena.

  3. Kgetha mekgwa e sego kae, le ge e ka ba o tee goba e mebedi, go yeo o e ngwadilego mananeong ka bobedi ke moka o šomele go yona. Ke moka o fetele mokgweng o mongwe goba e mebedi yeo o e ngwadilego mananeong ao.

Gore megato yeo e šome ka pela dira gore mokgwa o mobe o tšeelwe legato ke o mobotse. Ka mohlala, ge e ba mekgwa e mebe yeo o e ngwadilego e akaretša go bogela thelebišene kudu, ke moka mekgwa e mobotse e akaretša go ikgokaganya le bao o ba ratago, gona o ka phetha ka gore: ‘Go e na le gore ke thome ka go tšhuma thelebišene ge ke boa mošomong letšatši le letšatši, ke tlo ikgokaganya le mogwera goba wa leloko ra boledišana.’