Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Phafoga!  |  No. 3 2016

 PONO YA BEIBELE

Tumelo

Tumelo

Batho ba bangwe ba ipolela gore ke badumedi, eupša ga ba kwešiše seo se bolelwago ke lentšu “tumelo.” Tumelo ke’ng, gomme ke ka baka la’ng e le bohlokwa?

Tumelo ke Eng?

SEO BATHO BA BANGWE BA SE BOLELAGO

Batho ba bantši ba nagana gore motho yo a nago le tumelo o amogela tumelo ntle le bohlatse bja kgonthe. Ka mohlala, ela hloko modumedi yo a rego: “Ke dumela go Modimo.” Ge e ba motho yoo a ka botšišwa gore: “O dumela ka lebaka lefe?” Mo gongwe a ka araba ka gore: “Ke godišitšwe ka tsela yeo” goba, “Ke seo ke se rutilwego.” Maemong a bjalo, go ka no se be le phapano e kaalo magareng ga go ba le tumelo le go ba madumelatšohle.

SEO BEIBELE E SE BOLELAGO

“Tumelo ke tebelelo e kgonthišeditšwego ya seo se holofetšwego, bohlatse bjo bo lego molaleng bja dilo tša kgonthe tšeo di sa bonwego.” (Baheberu 11:1) E le gore tebelelo ya motho e be e kgonthišeditšwego, o swanetše go ba le mabaka a kwagalago bakeng sa kgonthišetšo yeo. Ge e le gabotse, lentšu la mathomong bakeng polelwana e rego “tebelelo e kgonthišeditšwego” ga le bolele feela maikwelo a ka gare goba go duma eka. Ka gona tumelo e akaretša kgodišego yeo e theilwego bohlatseng.

“Dika tša gagwe [tša Modimo] tše di sa bonagalego di bonwa gabotse go tloga tlholong ya lefase go ya pele, gobane di hlathwa ka dilo tšeo di dirilwego, ke gore matla a gagwe a neng le neng le Bomodimo bja gagwe.”Baroma 1:20.

Ke ka baka la’ng go ba le tumelo go le bohlokwa?

SEO BEIBELE E SE BOLELAGO

“Ka ntle le tumelo go kgahliša Modimo gabotse ga go kgonege, gobane yo a batamelago Modimo o swanetše go dumela gore o gona le gore e ba moputsi wa bao ba mo tsomago ka phišego.”—Baheberu 11:6.

Ka ge go boletšwe pejana, batho ba bantši ba dumela go Modimo feela ka gobane ba rutilwe gore ba dire bjalo. Ba ka re: ‘Ke godišitšwe ka tsela yeo.’ Eupša Modimo o nyaka gore batho bao ba mo rapelago ba kgodišege e le ka kgonthe gore o gona le gore o a ba rata. Ke ka baka leo Beibele e gatelelago gore re swanetše go mo tsoma ka phišego, e le gore re mo tsebe e le ka kgonthe.

“Batamelang Modimo gomme o tla le batamela.”Jakobo 4:8.

 O ka ba le tumelo bjang?

SEO BEIBELE E SE BOLELAGO

Beibele e re: “Tumelo e latela seo se kwelwego.” (Baroma 10:17) Ka gona mogato wa mathomo tabeng ya go ba le tumelo go Modimo ke go ‘kwa’ seo ge e le gabotse Beibele e se rutago ka yena. (2 Timotheo 3:16) Go ithuta Beibele go tla go thuša gore o hwetše dikarabo tša kgonthe tša dipotšišo tše bohlokwa tšeo di akaretšago tše di rego: Modimo ke mang? Go na le bohlatse bofe bja gore o gona? Na ruri Modimo o na le taba le nna? Morero wa Modimo ke ofe ka bokamoso?

Re dikologilwe ke bohlatse bja gore Modimo o gona

Dihlatse tša Jehofa di tla thabela go go thuša go ithuta Beibele. Ka ge go boletšwe wepesaeteng ya rena ya jw.org, “Rena Dihlatse tša Jehofa re rata go ruta batho Beibele, eupša le ka mohla ga re gapeletše motho le ge e le ofe gore a fetoge setho sa bodumedi bja rena. Go e na le moo, re hlalosa ka tlhompho seo Beibele e se bolelago, re lemoga gore motho yo mongwe le yo mongwe o na le tshwanelo ya go kgetha seo a nyakago go se dumela.”

Mafelelong, tumelo ya gago e swanetše go thewa bohlatseng bjoo o bo bonago ge o dutše o hlahloba go rereša ga seo o se balago ka Beibeleng. Ka tsela yeo, o tla be o latela mohlala wa barutwana ba lekgolong la pele la mengwaga bao “ba [amogetšego] lentšu ka go le fišegela kudu monaganong, ba hlahloba Mangwalo ka kelohloko letšatši le letšatši go bona ge e ba dilo tše di be di le bjalo.”Ditiro 17:11.

“Se se bolela bophelo bjo bo sa felego, gore ba tsebe wena Modimo a nnoši wa therešo le yo o mo romilego, Jesu Kriste.”Johane 17:3.

Ithute ka mo go Oketšegilego

DITABA TŠE DIBOTSE TŠE DI TŠWAGO GO MODIMO!

O ka Batamela Kgauswi le Modimo Bjang?

Tseba ge e ba Modimo a theetša dithapelo ka moka, re swanetše go rapela bjang, le gona ke eng seo re ka se dirago go batamela kgauswi le Modimo.

DIPUKU LE DIPOROUTŠHA

Re ka Hwetša Kae Dikarabo tša Dipotšišo tša Bohlokwa Bophelong?

Na o tla kgetha thutamahlale, filosofi goba Beibele?

DIPOTŠIŠO TŠEO DI BOTŠIŠWAGO KUDU

Thuto ya Beibele ke Eng?

Hwetša dikarabo tša dipotšišo tša mabapi le thuto ya rena ya mahala ya Beibele.