Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Phafoga!  |  No. 1 2016

 DINAGA LE BATHO

Go Etela Liechtenstein

Go Etela Liechtenstein

LIECHTENSTEIN ke e nngwe ya dinaga tše dinyenyane lefaseng, yeo e lego dithabeng tše dikgolo tša Yuropa magareng ga Switzerland le Austria. Go theoša le nywagakgolo, ma-Celts, Marhaetia, Baroma le Maalemanni ba ile ba dula nageng ye. Bontši bja batho bao ba dulago nageng ya Liechtenstein lehono ke ditlogolwana tša batho ba morafo wa Alemanni, bao ba ilego ba dula nageng ye mo e ka bago mengwaga e 1 500 e fetilego.

Le ge mebolelo ya Liechtenstein e fapafapana go ya ka metsana ya moo, leleme la semmušo leo le bolelwago nageng ye ke Sejeremane. Mehuta ya dijo tšeo di tlwaelegilego tša Liechtenstein ke Tüarka-Rebel yeo e dirilwego ka mafela, le Käsknöpfle, e lego pasta ya go ba le tšhese.

Käsknöpfle

Moaparo wa setšo wa mebalabala

Baeti bao ba tšeago leeto nageng ye ba kgona go bona bobotse bja dithaba tšeo di apešitšwego ke lehlwa, meedi e metala, dirapana tša diterebe gaešita le dimela tše di fapafapanego. Ka mohlala, go ka hwetšwa mehuta e 50 ya di-orchid tša lešokeng nageng ye ya go dikologwa ke dithaba yeo e se nago badudi ba bantši. Liechtenstein gape e na le dimusiamo, mafelo a dipontšho le mafelo a  go dira beine. Ka gona baeti ba etela naga ye go sa šetšwe gore ke selemo goba ke marega.

Dihlatse tša Jehofa di be di dutše di le gona nageng ya Liechtenstein ga e sa le go tloga ka bo-1920. Ga bjale ke tše e ka bago tše 90 gomme di ruta badudi le baeng ba naga ye seo se bolelwago ke Beibele.