Eya go dikagare

Eya go menyu wa bobedi

Eya go lelokelelo la dikagare

Dihlatse tša Jehofa

Sepedi

Morokami  |  No. 5 2016

Beibele e Re’ng?

Beibele e Re’ng?

Mmušo wa Modimo ke Eng?

BATHO BA BANGWE BA DUMELA gore Mmušo wa Modimo ke pušo ya Modimo yeo e lego ka pelong ya motho; ba bangwe ba nagana gore ke maiteko a batho a go dira gore go be le khutšo lefaseng le go dira gore batho e be barwarre. Wena o nagana eng?

SEO BEIBELE E SE BOLELAGO

“Modimo wa legodimo o tla hloma mmušo wo o ka se kego wa fedišwa. . . . O tla pšhatlaganya mebušo ye ka moka [ya batho] wa e fediša.” (Daniele 2:44) Mmušo wa Modimo ke pušo ya kgonthe.

SE SENGWE SEO RE ITHUTAGO SONA KA BEIBELENG

  • Mmušo wa Modimo o buša o le legodimong.Mateo 10:7; Luka 10:9.

  • Modimo o diriša Mmušo wa gagwe go phethagatša thato ya gagwe legodimong le lefaseng.Mateo 6:10.

Mmušo wa Modimo o tla tla neng?

NA O KA RE . . . 

  • Ga go yo a tsebago?

  • Kgauswinyane?

  • O ka se tsoge o tlile?

SEO BEIBELE E SE BOLELAGO

“Ditaba tše tše dibotse tša Mmušo di tla bolelwa lefaseng ka moka gore e be bohlatse go ditšhaba tšohle, ke moka bofelo bo tla tla.” (Mateo 24:14) Ka morago ga gore ditaba tše dibotse di bolelwe lefaseng ka moka, Mmušo wa Modimo o tla tla ke moka wa fediša tshepedišo ya gona bjale e kgopo ya dilo.

SE SENGWE SEO RE ITHUTAGO SONA KA BEIBELENG

  • Ga gona motho le ge e le ofe mo lefaseng yo a tsebago ka tlwaa gore Mmušo wa Modimo o tla tla neng.—Mateo 24:36.

  • Boporofeta bja Beibele bo bontšha gore Mmušo wa Modimo o tla tla kgauswinyane.—Mateo 24:3, 7, 12.