Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

MOROKAMI NO. 4 2016

 TABA YA LETLAKALA LA KA NTLE | KANEGELO YA GO PHOLOGA GA BEIBELE

Lebaka Leo ka Lona Beibele e Phologilego

Lebaka Leo ka Lona Beibele e Phologilego

Beibele e phologile. Ke ka baka leo lehono o ka kgonago go ikhweletša kopi ya yona le go e bala. Ge o kgetha Beibele yeo e fetoletšwego gabotse, o ka kgodišega gore o bala kopi yeo e ka botwago ya dingwalwa tša mathomong. * Eupša ke ka baka la’ng Beibele e sa dutše e le gona go sa šetšwe go bodišwa ga yona ke dilo tša tlhago, kganetšo e šoro le go tsenatsenana ga batho le molaetša wa yona ka boomo? Gantši go begwa gore e phologile ka tsela e makatšago. Ke eng seo se dirago gore puku yeo e be e kgethegilego?

“Ga bjale ke kgodišegile gore Beibele yeo ke nago le yona ke mpho e tšwago go Modimo”

Barutwana ba bantši ba Beibele ba fihleletše phetho e swanago le ya moapostola Paulo, yo a ngwadilego gore: “Lengwalo ka moka le buduletšwe ke Modimo.” (2 Timotheo 3:16) Ba dumela gore Beibele e phologile ka lebaka la gore e le Lentšu la Modimo la moswananoši le ka lebaka la gore Modimo o e šireleditše go fihla lehono. Mafelelong, Faizal yo a tsopotšwego sehlogong sa mathomo sa lelokelelo le la dihlogo, o ile a phetha ka gore a ithute Beibele e le ge a dira nyakišišo mabapi le dilo tšeo di bego di bolelwa. O ile a makatšwa ke seo a se hweditšego. Go se go ye kae o ile a ithuta gore dithuto tše dintši tšeo di rutwago madumeding a mantši ga di gona ka Beibeleng. Go feta moo, o ile a kgongwa ke morero wa Modimo ka lefase wo go bolelwago ka wona ka Lentšung la Gagwe.

Faizal o re: “Ga bjale ke kgodišegile gore Beibele yeo ke nago le yona ke mpho e tšwago go Modimo. Go ba gona, ge e ba Modimo a kgonne go dira legohle, na o be a ka se be le matla a go re nea puku ye le go e phološa bakeng sa rena? Go bolela se se fapanego e tla ba go ganetša matla a Modimo. Ke tla be ke le mang mo nka ganetšago matla a Ramatlaohle?”Jesaya 40:8.

^ par. 3 Bona sehlogo se se rego, “O ka Kgetha Bjang Phetolelo e Botse ya Beibele?” ka tokollong ya Morokami wa May 1, 2008.

Ithute ka mo go oketšegilego

Ke ka Baka la Eng o Swanetše go Kwešiša Beibele?

Batho ba bantši ba hlompha puku ye e kgethwa le ge ba sa lemoge kamoo e ka ba holago ka gona.