Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

MOROKAMI NO. 3 2016

 TABA YA LETLAKALA LA KA NTLE

Ge yo o mo Ratago a Ehwa

Ge yo o mo Ratago a Ehwa

“Modimo o tseba tšohle. . .  O se ke . .  wa . .  lla.”

Mantšu a a ile a sebelwa mosadi yo a bitšwago Bebe. O be a le polokong ya tatagwe yo a hlokofetšego kotsing ya koloi.

Bebe le tatagwe ba be ba ratana kudu. Mantšu ao a boletšwe ke motho yo a bego a tlwaetše lapa la gabo Bebe kudu yo a bego a leka go mo homotša, eupša Bebe o ile a kwa mantšu ao a mo hlaba go e na le go mo homotša. Bebe o be a dulela gore: “Lehu la tate le nkwešitše bohloko.” Ka morago ga mengwaga e mentši, go be go bonagala gore Bebe o be a sa kwešitšwe bohloko ke lehu la tatagwe ge a be a ngwala ka pukung seo se diragetšego.

Bebe o ile a lemoga gore go ka tšea nako e telele gore motho a fole bohloko bja go hwelwa, kudukudu ge e ba motho yo a llago e be le mogwera yo mogolo wa motho yo a hlokofetšego. Beibele e hlalosa lehu e le “lenaba la mafelelo.” (1 Bakorinthe 15:26, Taba e Botse) Lehu le bohloko, ga le phemege e bile gantši le tla re sa itebetše, gomme la re tšeela batho bao re ba ratago. Ditlamorago tša lehu di re kgoma ka moka ga rena. Ka gona, ga go makatše ge re sa kgone go lebeletšana le lehu le bohloko bja lona.

Mohlomongwe o ile wa ipotšiša gore: ‘Go fenya manyami a go hwelwa go tšea nako e kaaka’ng? Motho a ka lebeletšana bjang le manyami ao? Nka homotša bjang bao ba hwetšwego? Na go na le kholofelo le ge e le efe ka batho bao re ba ratago bao ba hwilego?’