Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

PHAFOGA! DECEMBER 2015

 Pono Ya Beibele

Moya (Soul)

Moya (Soul)

Madumedi a nea dikgopolo tše di fapafapanego le tšeo di thulanago mabapi le moya (soul), le gore go direga eng ka wona ge re ehwa. Lega go le bjalo, Beibele e nea tlhaloso e kwagalago.

Na moya (soul) ga o hwe?

SEO BATHO BA SE BOLELAGO

Batho ba bantši ba dumela gore moya (soul) ga o hwe. Ba bangwe ba dumela gore o tšwela pele o tswalwa gape, o phela mmeleng o mongwe ka morago ga gore o tšwe go o hwilego. Ba bangwe ba dumela gore o tla feleletša o le lefelong le itšego le bjalo ka legodimong goba diheleng.

SEO BEIBELE E SE BOLELAGO

Beibele ga e bolele gore moya (soul) ga o hwe. Ge e le gabotse, gantši e bolela gore o a hwa. Moporofeta Hesekiele yoo Modimo a mo dirišitšego go ngwala karolo ya Beibele o boletše gore moya o ka otlwa ka lehu. Lekgeng le lengwe, Beibele e diriša polelwana “moya o hwilego” go hlalosa setopo. (Lefitiko 21:11, mongwalo wa ka tlase wa nwt) Go molaleng gore Beibele ga e rute gore moya (soul) ga o hwe.

“Moya wo o dirago sebe o tla hwa.”Hesekiele 18:20.

Na moya (soul) o arogane le mmele?

SEO BATHO BA SE BOLELAGO

Moya (soul) o phediša mmele ge motho a sa phela gomme wa tšwa ge a ehwa.

SEO BEIBELE E SE BOLELAGO

Beibele e hlalosa mma a belega “meoya”—ke gore batho bao ba phelago le go hema. (Genesi 46:18) Ge e le gabotse, lentšu la Seheberu la “moya” leo le dirišitšwego ka Beibeleng le ka fetolelwa e le “mohemi.” Ka dinako tše dingwe, lentšu leo le dirišwa gape go hlalosa diphoofolo. Go oketša moo, Beibele e hlalosa gore moya o nyaka dijo. (Doiteronomio 12:20) Ge nkabe moya o arogane le mmele, na o be o tla nyaka go hema goba go ja? Ka Beibeleng gantši lentšu “moya” le šupa motho yo a feletšego, go akaretša mmele, maikwelo le seo motho a lego sona.

[O] belege . . . meoya e lesometshela.”—Genesi 46:18.

 Go direga eng ka moya (soul) ge motho a ehwa?

SEO BEIBELE E SE BOLELAGO

Bjalo ka ge mebele ya rena e senyega ge re ehwa, Beibele e re botša gore “Bodulabahu . . . ga go na modiro le ge e le maano goba tsebo.” (Mmoledi 9:10) Ge motho a ehwa, “[o] boela mmung; letšatšing leo menagano ya gagwe e a fela.” (Psalme 146:4) Moya o hwilego o ba boemong bja go se dire selo, gomme ke ka baka leo Beibele e bolelago ka tsela ya seswantšhetšo gore bahu ba “robetše.”—Mateo 9:24.

KE KA BAKA LA ENG GO LE BOHLOKWA?

Ge o lahlegelwa ke bao o ba ratago ka baka la lehu, o ikwa o nyaka go tseba dikarabo tša dipotšišo tše rego: Bahu ba kae? Ba boemong bofe? Na ba a tlaišega? Ka ge Beibele e re kgonthišetša gore bahu ga ba kwe selo, re ka homotšwa ke go tseba gore baratiwa ba rena bao ba hwilego ga ba sa tlaišega le gatee. Re ka homotšega le go feta ge re tseba gore Jehofa o holofetša gore nakong e tlago, o tla tsoša bahu ba boela ba phela.—Jesaya 26:19.

“Bahu ga ba tsebe selo le gatee.”Mmoledi 9:5.

Ithute ka mo go oketšegilego

Maaka ao a Dirilego Gore go Bonagale Eka Modimo o Sehlogo

Ba bantši ba dumela gore Modimo o otla badiradibe ka mo go sa felego. Na Modimo o dira dilo tše kgopo? Ge e le gabotse go direga’ng ge motho a ehwa?

Tsogo ya Bahu ke Eng?

O ka makatšwa ke go tseba gore ke bomang bao ba tlago go tsošwa.