Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

PHAFOGA! SEPTEMBER 2015

Letsha la Nicaragua le tsebja kudu ka sehlakahlaka sa Ometepe, e lego naga e botse yeo e nago le dithabamollo tše pedi tše dikgolo tšeo di kopanywago ke isthmus e lego naga e tshesane yeo e kopanyago dinaga tše pedi tše dikgolo

 DINAGA LE BATHO

Go Etela Nicaragua

Go Etela Nicaragua

GANTŠI batho ba bitša Nicaragua gore ke naga ya matsha le dithabamollo. Naga ye e ikgantšha ka go ba le letsha le legolo kudu kua Amerika Bogare, e lego Letsha la Nicaragua. Batho ba naga yeo ba le bitša Cocibolca, yeo e rago gore “Lewatle le le Bose.” Letsha le le na le dihlakahlaka tše dintši gomme ke lona feela leo le nago le meetse ao a se nago letswai ao a nago le diphedi tša ka lewatleng tše bjalo ka dišaka, swordfish le hlapi yeo e bitšwago tarpon.

Sacuanjoche (frangipani) ke letšoba la naga ya Nicaragua

Le gona Nicaragua e na le tikologo yeo e ikarotšego kudu ya Amerika Bogare, yeo e bitšwago Lebopo la Mosquito. Ye ke tikologo ya bophara bja dikhilomithara tše 65, yeo karolo ya yona e kgolo e phatšago kgauswi le lebopo la ka bohlabela le go tshelela ka Honduras yeo e lego kgauswi. Mamiskito ke sehlopha se sengwe sa batho ba naga ya Nicaragua bao setlogo sa bona se thomilego pele Mayuropa a etla lekgolong la bo-16 la nywaga.

Mamiskito ke batho bao ba nago le ditswalano tša kgauswi kudu le metlwae ya moswananoši. Ka mohlala, leleme la Miskito ga le na mantšu a bjalo ka “Morena” goba “Mohumagatšana.” Dinagamagaeng, bana ba bitša batho ba bagolo gore ke “Malome” goba “Mmane,” go sa šetšwe gore  ba a tswalana goba go se bjalo. Motlwae wa kgale wa Mamiskito ke wa gore mosadi a dumediše bagwera ba gagwe ba kgauswi goba ba leloko ka go kgomana le bona ka marama. Ke moka mosadi yo a thomilego tumedišo o goga moya ka nko.

Batho ba setlogo

Dipuku tšeo di bolelago ka Beibele di gatišwa ke Dihlatse tša Jehofa ka Semayangna le Semiskito