Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

PHAFOGA! APRIL 2015

 DINAGA LE BATHO

Go Etela Honduras

Go Etela Honduras

HONDURAS ka Sepania e ra gore “Go iša” e lego lentšu leo Christopher Columbus a ka bago a le dirišitše go hlalosa meetse ao a lego lebopong la naga ye la Atlantic. Ba bangwe ba re ye ke tsela yeo Honduras e theilwego leina.

Badudi ba Honduras ba tšeela godimo go botana ga lapa le botee. Ka mohlala, diphetho tše dikgolo—tše bjalo ka ditshenyagalelo tša ka gae goba thuto ya bana—gantši monna le mosadi ba di dira gotee.

Bontši bja batho ba Honduras ke bamestizo, e lego motswako wa Mayuropa le batho ba gona moo. Go sa na le sehlopha sa batho ba setlogo ba bjalo ka Machortí. Batho ba bangwe ba Honduras, ba bjalo ka Magarifuna, ba hweditše gore bagologolo ba bona ba tšwa dinageng tše dingwe.

Moletši wa mmino wa Mogarifuna o letša moropa

Magarifuna ke ditlogolo tša Maafrika le Maindia a Carib bao ba bego ba dula sehlakahlakeng sa St. Vincent. Mo e ka bago ka ngwaga wa 1797, Magarifuna  a ile a fihla Islas de la Bahía (Dihlakahlakeng tša Bay). Ka morago ba ile ba dula Lebopong la Caribbean la karolong e kgolo ya naga ya Bogareng bja Amerika. Go tloga moo Magarifuna a ile a feleletša a phatlaletše le dikarolo tše dingwe tša Bogareng bja Amerika Leboa.

Magarifuna a rata motantsho wa matšato woo go binwago go letšwa meropa. Setšo sa bona se akaretša diaparo tša setšo tša go taga, go anega dikanegelo le dijo tše bjalo ka ereba (khekhe e kgolo ya phaphathi yeo e dirwago ka modu wa cassava).

Go na le diphuthego tša Dihlatse tša Jehofa tše e ka bago tše 400 kua Honduras. Diboka di swarwa ka Sepanishi le Polelo ya Diatla ya Honduras, se-China sa Mandarin, Segarifuna, Seisemane le Semiskito.

Ereba, khekhe e kgolo ya phaphathi yeo e dirwago ka modu wa cassava