Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

PHAFOGA! FEBRUARY 2015

 TABA YA LETLAKALA LA KA NTLE

Na Beibele e Bohlokwa Lehono?

Na Beibele e Bohlokwa Lehono?

‘Ke la mathomo ke hwetša lethabo bophelong.’

HILTON o be a rata papadi ya matswele. Ge a na le nywaga e šupa, o be a elwa mosakong wa matswele le ge a se go wona! Ge a le sekolong se se phagamego, o be a sepelasepela le bagwera ba gagwe a tsoma yo a ka lwago le yena. O re: “Ke be ke utswa, ke petšha, ke lebelela diswantšho tša batho bao ba sa aparago, ke goboša basadi gaešita le go roga batswadi ba ka. Batswadi ba ka ba be ba nagana gore nka se tsoge ke fetotše boitshwaro bja ka. Ka morago ga gore ke fetše sekolong se se phagamego, ke ile ka tloga ka gae.”

Ge Hilton a boa gae ka morago ga nywaga e 12, batswadi ba gagwe ba be ba sa kgolwe gore ba bona morwa wa bona! O be a le boleta, a laolega e bile a na le tlhompho. Ke’ng seo se dirilego gore a fetoge ka tsela ye e makatšago? Ge a be a tlogile gae, o ile a thoma go naganišiša kudu ka bophelo bja gagwe. O ile a ba a bala Beibele go bona ge e ba e ka mo thuša go fetola ditsela tša gagwe. Hilton o re: “Ke dirišitše seo ke bego ke se bala ka Beibeleng, e lego seo se akaretšago go tlogela semelo sa kgale le go latela taelo e lego go Baefeso 6:2, 3 ya go godiša batswadi ba ka. Ka lekga la pele bophelong, ke ile ka hwetša lethabo la kgonthe le go thabiša batswadi ba ka go e na le go ba opiša hlogo!”

Phihlelo ya Hilton e hlatsela gore ditekanyetšo tša Beibele di bohlokwa le gore di na le matla a go fetola motho. (Baheberu 4:12) Anke re ahlaahleng tše dingwe tša ditekanyetšo tšeo, e lego potego, boitshwaro, go botega lenyalong le lerato—gomme re bone kamoo di ka humišago maphelo.

Ithute ka mo go oketšegilego

Na Beibele e no ba Puku e Botse?

Ke ka baka la’ng batho ba ka bea maphelo a bona kotsing ka gore ba bale Beibele goba ba be le yona?