Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

PHAFOGA! FEBRUARY 2015

 PONO YA BEIBELE

Mesia

Mesia

Beibele e boletše e sa le pele gore Mesia o be a tlo tla lefaseng gomme a lokolle batho bolwetšing, tlaišegong le lehung. Na Jesu Kriste ke Mesia?

Batho ba be ba tla lemoga bjang Mesia?

Go ya ka boporofeta bja Beibele, Mesia go- ba Kriste, o be a tla tla ka dikarolo tše pedi tša go fapana, tšeo di arogantšwego ka nako e telele. * Karolong ya gagwe ya pele, e be e tla ba motho. E le gore a lemogwe gabotse, bangwadi ba Beibele ba boletše e sa le pele ka dikarolo tše dintši tša bophelo le bodiredi bja gagwe. Ge e le gabotse, morero o mogolo wa boporofeta bja Beibele ke “modiro wa go nea bohlatse ka Jesu.”—Kutollo 19:10.

Ge e be e le motho, Jesu o phethile karolo e nyenyane ya seo a tlago go se dira lefaseng ka bophara e le sebopiwa se matla sa moya

SEO BEIBELE E SE BOLELAGO

Mesia . . .

Jesu o phethagaditše diporofeto tšeo ka moka le tše dingwe tše dintši. O ile a ba a fodiša balwetši le go tsoša bahu. Ga a re nea bohlatse feela bja gore e be e le Mesia eupša gape o re neile motheo o tiilego wa tumelo dikholofetšong tša Beibele tša gore o tla dira dilo tšeo lefaseng ka bophara nakong e tlago. (Luka 7:21-23; Kutollo 21:3, 4) Ka morago ga tsogo ya gagwe, Jesu o ile a dula ka ‘letsogong le letona’ la Modimo, a letetše nako ya go feleletša mošomo wa gagwe e le Mesia.—Psalme 110:1-6.

“Na ge Kriste a fihla o tla dira mehlolo e mentši go feta yeo motho yo a e dirilego?”Johane 7:31.

 Mesia o tla feleletša bjang mošomo wa gagwe?

Bajuda ba mehleng ya Jesu ba be ba letetše gore Mesia a ba lokolle mmušong wa Roma le go buša mmušong o tsošološitšwego wa Isiraele. (Ditiro 1:6) Balatedi ba Jesu ba Bajuda ba ile ba kwešiša ka morago gore Jesu o tla feleletša karolo ya gagwe a le legodimong e le sebopiwa sa moya seo se neilwego matla a magolo.—Mateo 28:18.

SEO BEIBELE E SE BOLELAGO

Karolong ya gagwe ya bobedi, Mesia . . .

Jesu o phethagaditše karolo ya gagwe ya mathomo bjalo ka Mesia. Gape o tla feleletša karolo ya gagwe ya bobedi. Ka gona, ba bohlale ba ithuta ka yena ka mo go tseneletšego ka gobane Jesu o itše: “Ke nna tsela le therešo le bophelo.”—Johane 14:6.

“Mehleng ya gagwe moloki o tla atlega, le khutšo e tla ata go fihla kgwedi e sa hlwe e le gona. O tla ba le balata . . . go ya magomong a lefase.” Psalme 72:7, 8.

^ ser. 5 Lentšu “Mesia” le tšwa Seheberung. Lentšu “Kriste” leo le swanago le lona le tšwa Segerikeng.—Johane 1:41.

^ ser. 7 Lengwalo la pele mo le šupa go boporofeta; la bobedi, ke la go phethagala ga bjona.

Ithute ka mo go oketšegilego

Jesu Kriste ke Mang?

Ithute lebaka leo Jesu a ilego a hwa, seo se bolelwago ke topollo, le gore ke eng seo Jesu a se dirago gona bjale.