Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

PHAFOGA! FEBRUARY 2015

Bohlale bjo bo Šireletšago

Bohlale bjo bo Šireletšago

“Topollo ya moya wa motho ke mahumo a gagwe, eupša modiidi ga a hwetše kgalemelo [goba ga a boife].” —DIEMA 13:8.

LE GE go huma go ka ba le mehola e itšego, gape go ka tliša mathata, kudukudu dinakong tšeo re phelago go tšona tše kotsi. (2 Timotheo 3:1-5) Dinageng tše dingwe, bahumi, go akaretša le baeti bao ba bonagalago ba humile, ba fetogile bahlaselwa ba mahodu le ba bathopi bao ba nyakago tšhelete.

Pego ya ditaba e begile mabapi le naga e nngwe e hlabologilego gore: “Bohlakodi bjo šoro, go hlalefetša le go thopa batho di dira gore bahumi le badiidi e be manaba. Mabenkeleng a go jela go na le bahlapetši bao ba itlhamilego; magaeng a bahumi go na le maboto a go ba le diterata tša go hlaba, mabone a go bonega kudu, dikhamera le bahlapetši.” Go direga se se swanago le dinageng tše dingwe tše dintši.

Lega go le bjalo, Beibele e re: “Modiidi ga a hwetše kgalemelo [goba ga a boife].” O ka holwa bjang ke bohlale bja mohuta wo? Ge e ba o dula lefelong leo le tumilego ka bokebekwa le bošoro goba ge e ba o swanetše go etela lefelong le bjalo, o se ke wa dira gore o bonale eka o humile. Nagana ka kelohloko ka seo o se apara le go se swara mafelong a batho bohle, kudukudu ge e ba dilo tša gago di tla bonwa ke batho. Diema 22:3 e re: “Yo bohlale ke yo a bonego kotsi a ikuta, eupša ba se nago temogo ba fetile ba wela kotsing.”

Bohlale bjoo bo begilwego ka Beibeleng bo bontšha gore Mmopi wa rena o na le taba le rena. O nyaka gore re šireletšege. Mmoledi 7:12 e re: “Bohlale bo a šireletša . . . bo phediša bao ba nago le bjona.”

Ithute ka mo go oketšegilego

Melao ya Motheo ya Beibele e re Hola Bjang?

Jesu o hlalositše lebaka leo re hlokago tlhahlo le melao ya motheo e mebedi ya Beibele yeo e lego bohlokwahlokwa.

Na Beibele ke Puku Yeo e Ngwadilwego ka Bohlale bja Motho?

Ela hloko tsela yeo Beibele e ipolelago ka yona.

Bohlale bo a Goeletša—Na o a bo kwa?

Bohlale bja kgonthe bo tla rarolla mathata a batho.