Dipeakanyo tša go bula

Kgetha leleme

Eya go menyu wa bobedi

Eya go lelokelelo la dikagare

Eya go dikagare

Dihlatse tša Jehofa

Sepedi

PHAFOGA! JANUARY 2015

 TABA YA LETLAKALA LA KA NTLE

Bophelo bo Thomile Bjang?

Bophelo bo Thomile Bjang?

O be o ka feleletša bjang lefoko le le latelago?

BOPHELO BO BILE GONA KA ․․․․․.

  1. TLHAGELELO

  2. TLHOLO

BA BANGWE ba ka nagana gore motho yo a sekametšego go tša thutamahlale o tla kgetha “tlhagelelo” mola yo a sekametšego bodumeding a tla kgetha “tlholo.”

Eupša ga se ka mehla go lego bjalo.

Rama Singh, e lego moprofesara wa Yunibesithing ya McMaster kua Canada, o re: “Ga se bakgomaredi ba tumelo ya setšo ba bodumedi feela bao ba ganetšago thuto ya tlhagelelo, eupša e ganetšwa le ke dirutegi tše dintši tše di fapafapanego.”

Ela hloko Gerard, e lego moprofesara wa thuto ya dikhunkhwane yo a rutilwego tlhagelelo kholetšheng. O re: “Ge ke be ke dira diteko, ke be ke nea baprofesara dikarabo tšeo ba bego ba di nyaka—eupša ke be ke sa di dumele.”

Ke ka baka la’ng le batho ba bangwe bao ba sekametšego go tša thutamahlale ba thatafalelwa ke go amogela gore bophelo bo thomile ka tlhagelelo? Go araba potšišo yeo, ela hloko dipotšišo tše pedi tšeo di tlabago banyakišiši ba bantši: (1) Bophelo bo bile gona bjang? le (2) Diphedi di tšwa kae?